İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 161 Hüküm no: 167 Orijinal metin no: [35a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Veli Çelebi b. Ali’nin cariyesi Belkıs bt. Abdullah’ı azat etmesi Mahmiye-i İstanbul’da Timurtaş mahallesinde sâkin Veli Çelebi b. Ali meclis-i şer‘-i şerîf-i enverde ikrâr-ı tâm ve takrîr-i kelâm edip bana rıkkını mu‘terife olan işbu orta boylu, açık kaşlı, sarı elâ gözlü Rusiyyetü’l-asl Belkıs bt. Abdullah nâm câriye-i memlûkemi hasbeten lillâhi’l-hallâk mâlımdan tahrîr ve i‘tâk ve zümre-i harâir-i asliyyâta idrâc ve ilhâk eyledim, ba‘de’l-yevm mevsûfe-i mezbûre Belkıs sâir harâir-i asliyyât gibi hürre olup üzerinde velâ-yı şer‘îden gayrı hakkım kalmadı dedikde mâ-hüve’l-vâkı‘ bi’t-taleb ketb olundu. Fi’l-yevmi’s-sâlis min-Saferi’l-hayr li-sene mi’e ve elf. Şuhûdü’l-hâl: İbrahim Çelebi b. Ahmed, Ali b. Bâli, Siyavuş b. Abdi, Ebûbekir b. ( ).