İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 165 Hüküm no: 173 Orijinal metin no: [36b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmihan bt. Abdullah’ın mehir ve nafakasını alarak Mehmed b. Mustafa’dan boşanması Mahmiye-i İstanbul’da Koğacı mahallesinde sâkine zâtı ma‘rifet-i şer‘iyye ile ârifân olan Mehmed Çelebi b. Ali ve Hüseyin Çelebi b. Mustafa ta‘rîfleriyle mu‘arrefe olan İsmihan bt. Abdullah nâm hatun meclis-i şer‘-i şerîf-i enverde zevc-i muhâli‘i bâ‘is-i hâze’l-kitâb Mehmed b. Mustafa mahzarında ikrâr ve takrîr-i kelâm edip zevcim mezbûr Mustafa zimmetinde mütekarrir ve ma‘kūdün-aleyh olan üç yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Mustafa ile muhâla‘a edip ol dahi ber-vech-i muharrer hul‘-ı mezbûru kabûl eyledikden sonra hukuk-ı zevciyyete müte‘allika cemî‘ da‘vâdan her birimiz âharın zimmetini ibrâ-i âm ile ibrâ ve ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’t-taleb ketb olundu. Fi’l-yevmi’l-hâmis min-Saferi’l-hayr li-sene mi’e ve elf. Şuhûdü’l-hâl: Mehmed Beşe b. Ali, Hüseyin b. Mustafa, el-Hâc Mehmed b. Mustafa, el-Hâc Ali b. Abdullah, Mehmed Çelebi b. ( ).