İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 194 Hüküm no: 218 Orijinal metin no: [45b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mirza’nın eşi Halil b. Abdullah’dan muhala‘a usulüyle boşanması Mahmiye-i İstanbul’da Süleyman Ağa mahallesi sâkinelerinden olup zâtı ma‘rifet-i şer‘iyye ile mu‘arrefe olan Âişe bt. Mirza nâm hatun meclis-i şer‘-i şerîf-i enverde zevc-i muhâli‘i Halil b. Abdullah nâm kimesne mahzarında ikrâr-ı tâm ve takrîr-i kelâm edip zevcim merkūm Halil zimmetinde mütekarrir ve ma‘kūdün aleyh olan beş yüz akçe mehr-i müeccelim ve nafaka-i iddet-i mu‘ayyenem üzerlerinde ve me’ûnet-i süknâm dahi kendi üzerime olmak üzere zevcim merkūm Halil ile muhâla‘a-i sahîha-i şer‘iyye ile muhâla‘a edip ol dahi meblağ-ı mezbûru kabûl eylediğinden sonra hukuk-ı zevciyyete müte‘allik âmme-i da‘vâdan her birimiz âharın zimmetini ibrâ-i âmm-ı kâtı‘u’n-nizâ‘la ibrâ vü ıskāt eyledik dedikde gıbbe’t-tasdîki’ş-şer‘î mâ-hüve’l-vâkı‘ bi’t-taleb ketb olundu. Fî 10 Safer Sene 1100 Şuhûdü’l-hâl: İbrahim Çelebi b. Mehmed, Mehmed Çelebi b. İbrahim, Ali b. Bâli, Siyavuş [b.] Abdullah.