İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 215 Hüküm no: 248 Orijinal metin no: [52b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye bt. Abdullah’ın eşi Hasan b. Veli’den muhalaa yoluyla boşanması Mahmiye-i İstanbul’da Şeyh Ebulvefâ kurbünde sürücü odalarında sâkine Rukiye bt. Abdullah nâm hatun ba‘de’t-ta‘rîfi’ş-şer‘î meclis-i şer‘-i şerîf-i enverde zevc-i dâhili işbu bâ‘isü’l-kitâb Hasan b. Veli mahzarında ikrâr-ı tâm ve takrîr-i kelâm edip zevcim mezbûr Hasan zimmetinde mütekarrir ve ma‘kūdün-aleyh üç yüz akçe mehr-i müeccel ve iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Hasan ile muhâla‘a-i sahîha-i şer‘iyye ile muhala‘a edip ol dahi hul‘-ı mezbûru kabûl etdikden sonra hukuk-ı zevciyyete müte‘allika âmme-i da‘vâdan zevcim mezbûr Hüseyin’in zimmetini ibrâ-i âm ile ibrâ vü ıskāt eyledim dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sânî min-Saferi’l-hayr li-sene mi’e ve elf. Şuhûdü’l-hâl: İbrahim b. Ahmed, Hüseyin Çelebi b. Mustafa, Ali b. Bâli, Abdurrahim b. Hüseyin Efendi.