İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 216 Hüküm no: 249 Orijinal metin no: [53a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saliha bt. Ali’nin boşandığı eşi İbrahim Beşe b. İbrahim’de mehir ve nafakadan dolayı olan alacağını tahsil etmesi Mahmiye-i İstanbul’da Atpazarı kurbünde sâkine Saliha bt. Ali nâm hatun ba‘de’t-ta‘rîf meclis-i şer‘-i şerîf-i enverde zevc-i mutallıkı bâ‘is-i hâze’l-kitâb İbrahim Beşe b. İbrahim b. Mustafa mahzarında ikrâr-ı tâm ve takrîr-i kelâm edip mezbûr İbrahim Beşe bundan akdem beni bâyinen tatlîk etmekle zimmetinde mütekarrir ve ma‘kūdün-aleyh olan bin elli akçe [mehr-i] müeccelim ve nafaka-i iddet-i ma‘lûme ve me’ûnet-i süknâm için bi’-terâzî ta‘yîn olunan iki yüz eli akçe mehr min haysü’l-mecmû‘ bin üç yüz akçeyi mezbûr İbrahim Beşe yedinden bi’t-tamâm ve’l-kemâl ahz u kabz eyledim, mezbûr İbrahim Beşe ile ancak husûs-ı mezbûra müte‘allika da‘vâ ve nizâ‘ım kalmadı dedikde gıbbe’t-tasdîki’l-mu‘teberi’l-vicâhî mâ-vaka‘a bi’t-taleb ketb olundu. Fi’l-yevmi’s-sâbi‘ aşer min-Saferi’l-hayr li-sene mi’e ve elf. Şuhûdü’l-hâl: Ali Odabaşı b. ( ), Oksan Beşe b. Receb, Ömer Beşe b. ( ), Mustafa b. Mehmed, el-Hâc Abdülkerim, İbrahim Çelebi b. Ahmed.