.:: İstanbul Kadı Sicilleri ::.


Ahi Çelebi Mahkemesi 1 Numaralı Sicil (H. 1063-1064 / M. 1652-1653)
cilt: 49, sayfa: 104
Hüküm no: 100
Orijinal metin no: [15b-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Raziye bt. Sefer’in cariyesini âzat edip bazı eşyalarını da kendisine hibe ettiği

Mahmiye-i İstanbul’da Yavaşça Şahin Mahallesi’nde mütemekkine Raziye bt. Sefer nâm hatun mahfil-i kazâda câriye-i memlûkesi uzun boylu, açık kaşlı, elâ gözlü, Rusiyyetü’l-asl râfi‘atü’l-kitâb Demirhan bt. Abdülvehhab mahzarında ikrâr-ı tâm ve takrîr-i kelâm edip câriye-i memlûkem mevsûf-ı mezbûreyi tedbîr-i mukayyed ile müdebber eyledim, vefâtımdan yirmi gün mukaddem sâir harâir-i asliyyât gibi hürre olsun dedikde mezbûre Raziye Hatun’u ikrâr-ı meşrûhasında mevsûfe-i mezbûre Demirhan vicâhen tasdîk ve şifâhen tahkīk ettikden sonra mezbûre Raziye Hatun silk-i mülkümde münselik olan eşyâmdan bir beledî yüz peşkir bir yorgan iki yasdık, iki sahan bir tencere mezbûre Demirhan’a hibe-i sahîha-i şer‘iyye ile hibe ve teslîm eyledim ol dahi meclis-i hibede ittihâb ve kabûl ve kabz ve tesellüm eyledi deyicek mâ-vaka‘a ketb olundu.

Fi’l-yevmi’l-hâmis aşer Şevvâl li-sene selâse ve sittin ve elf.

Şuhûdü’l-hâl: Mustafa Çelebi b. Ca‘fer, Üsküdârî Mehmed b. Mustafa, Musa Beşe b. Mehmed, Ahmed Çelebi b. Mehmed, Mehmed b. Hüseyin, İsa Beşe b. Aydın, Hasan b. Ca‘fer.