İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 293 Hüküm no: 368 Orijinal metin no: [79a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Matbah Emini Mustafa Efendi’nin harci fırına alınan unun nereden nasıl alındığına dair istediği bilgi Bi’l-fi‘l matbah emîni olan fahrü’l-emâsil ve’l-eşbâh Mustafa Efendi bin doksan dokuz senesi Şa‘bân’ının onuncu gününden bu ana gelince zamânında harcî fırına iştirâ olunan hâlis dakīk ne minvâl üzere bey‘ ve iştirâ oluna geldiği erbâbından istifsâr ve mümzâ ve mahtûm yedime defteri verilmek matlûbumdur deyü iltimâs eyledikde hakīkat-i hâle vukūfu olan bî-garaz Kapan-ı dakīk tüccârlarından suâl ve tefahhus olundukda vech-i âtî üzere ihbârları bi’t-taleb ketb olundu. Fî evâsıtı Muharremi’l-harâm li-sene mi’e ve elf. Keyl Meblağ Sene-i mezbûre Şa‘bân’ında hâlis dakīk 1 175 Sene-i merkūme şehr-i Ramazân beyne’n-nâs revâyiş 1 dakīk-i hâs 160 beyne’n-nâs 155 revâyiş Mâh-ı Şevvâl li-seneti’l-merkūme 130 beyne’n-nâs 135 revâyiş Mâh-ı Zilka‘de li-seneti sâbıka 1 130 beyne’n-nâs 135 revâyiş Mâh-ı Zilhicce li-seneti mezbūre 125 beyne’n-nâs 135 revâyiş Mâh-ı Muharremü’l-harâm li-sene mi’e ve elf 1 dakīk-i hâs 110 revâyiş 105 beyne’n[-nâs] Minvâl-i meşrûh üzere tecdîd-i defter ve yedine verildiği mastûrdur.