İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 296 Hüküm no: 372 Orijinal metin no: [80a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul lağımcıları için tahsil olunacak esedi guruşun yüz on akçeden hesaplanması Sah. Fazîletlü Galata kādısı efendi hazretleri bin yüz senesine mahsûb olmak üzere bedel-i lâğımcıyân İstanbul mukāta‘ası mâlı tahsîline mübâşeret olunup nefs-i İstanbul’da esedî guruş sinîn-i sâbıkda ve kadîmden olageldiği minvâl üzere yüz on akçeye verip mukāta‘a-i mezbûre mülhakâtından Galata bedel-i lâğımcıyânı mâlını tahsîle memûr olan kıdvetü’l-emâsil ve’l-akrân Seyyid Ahmed zîde kadruhû minvâl-i meşrûh üzere cem‘ ve tahsîl eylemek murâd eyledikde esedî guruş ziyâdeye teklîf ve sinîn-i sâbıkaya mugāyir ve ta‘allül ve muhâlefet etmeleriyle Galata lâğımcıyânı mâlını dahi nefs-i İstanbul’da tahsîl olunduğu minvâl üzere esedî guruş yüz on akçe hesâbından aldırılıp sinîn-i sâbıkaya ve kadîmden olagelmişe mugāyir kimesneye ta‘allül ve muhâlefet etdirmeyesiz deyü buyuruldu. Fî 12 C. sene 100