İstanbul Mahkemesi 20 Numaralı Sicil (H. 1099-1100 / M. 1688-1689) cilt: 56, sayfa: 302 Hüküm no: 377 Orijinal metin no: [82b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Miri mukataa toprağında değirmen tasarruf ederken varisi olmadan ölen Mustafa’nın mal ve eşyası << Düstûr-ı mükerrem müşîr-i müfahham nizâmü’l-âlem müdebbir-i umûri’l-cumhûr bi’l-fikri’s-sâ[kı]b bi’r-re‘yi’l-kazâ mümehhid-i bünyâni’d-devleti ve’l-ikbâl müşeyyid-i erkânü’s-sa‘âde mütemmim-i mehâmmi’l-enâm>> Düstûr-ı mükerrem müşîr-i müfahham nizâmü’l-âlem müdebbir-i umûri’l-cumhûr bi’l-fikri’s-sâkıb mütemmim-i mehâmmi’l-enâm bi’r-re’yi’s-sâib mümehhid-i bünyâni’d-devleti ve’l-ikbâl müşeyyid-i erkânü’s-sa‘âdeti ve’l-iclâl el-mahfûf bi-sünûfi avâtifi’l-meliki’l-a‘lâ Âsitâne-i sa‘âdet’de sadrâzam kāimmakāmı olan vezîrim ( ) paşa edâmallâhu iclâlehû ve akzâ kuzâti’l müslimîn evlâ vülâti’l-muvahhidîn ma‘denü’l-fazli ve’l-yakīn vâris-i ulûmü’l-enbiyâi ve’l-mürselîn hüccetü’l-hakkı ale’l-halki ecma‘în el-muhtas bi mezîdi inâyeti’l-meliki’l-Mu‘în Mevlânâ İstanbul kādısı zîde fazluhu tevkî‘-i refî‘-i hümâyûn vâsıl olucak ma‘lûm ola ki; Bin doksan yedi senesine mahsûb olmak üzere ( ) mukāta‘asını deruhde eden Hasan nâm kimesne Dersa‘âdetime arzuhâl edip elinde olan berât-ı şerîfde mukāta‘a-i mezbûre toprağında vâki‘ olan ve hâssa mukāta‘adan hâsıl kayd olunup mukāta‘a-i mezbûre toprağında Gediksu nâm mevzi‘de iki göz değirmene mutasarrıf olan Mustafa nâm kimesne bilâ vâris fevt olup emlâk ve eşyâsını mukāta‘a tarafından zabt olunmuşiken Âsitâne’de Bostancıbaşı ustası oğlu imiş deyü muhallefâtını geri taleb edip te‘addî eylediklerini bildirip mîrî mukāta‘a toprağında vâki‘ olan mukāta‘aya hâsıl kayd olunmağla vârisi olmadıkca Bostancı tarafından ve âhardan müdâhale olunmamak bâbında emr-i şerîfim recâ…