İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 104 Hüküm no: 31 Orijinal metin no: [10b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borçları yüzünden hapsedilip bir kısım borçları devlet tarafından ödenip serbest bırakılanların isimleriyle borç ve sulh miktarları Bu eyyâm-ı mübâreke ve şuhûr-ı müteberrikede es-sadakatü tereddü’l-belâ ve tezîdü’l-ömr mazmûn-ı <> sa‘âdet-meşhûnlarıyla amel buyurulup ihrâz-ı rızâ-yı melik-i Gaffâr ve isticlâb-ı ed‘iyye-i hayriye-i ashâb-ı ıztırâr için tesâdduk buyurulmağla sicn-i sultânîde düyûn-ı müsbite için mahbûs olan fukarâ ve zu‘afânın garîmleri yedinde olan hücec-i şer‘iye mûcebince düyûnlarını edâ için vech-i âtî üzere sâdır olan fermân-ı cihân-mutâ‘a imtisâlen-leh irsâl olunan Ebûbekir Efendi taraf-ı mîrîden ta‘yîn olunan Ebûbekir Ağa ve Hâssa <> veznedârlardan Ali Çelebi b. ( ) ve sicn-i mezbûr kâtibleri ve sâir udûl-i Müslimîn mahzarlarında tahrîr olunan erbâb-ı hukūkun hakları ve bedel-i sulh olmak üzere taraf-ı mîrîden makbûzlarıdır ki zikrolunur. Hurrire fi’l-yevmi’s-sâdis min-şehri Recebi’l-ferd li-sene seb‘a ve mie ve elf. Medyûn. Hüseyin b. Mehmed. Deyn: 49 guruş. Bedel-i sulh: 16,5 guruş Medyûn. Halil b. İbrahim. Deyn: 15 guruş. Bedel-i sulh: 8 guruş Medyûn. Ayşe bt. Mehmed. Deyn: 60 guruş. 52,5. 112,5. Bedel-i sulh. 222. 19. 41,5 guruş Medyûn. Afife bt. Mustafa. Deyn: 105 guruş. Bedel-i sulh: 35 guruş Medyûn. Ayşe bt. Fazlı. Deyn: 110 guruş. Bedel-i sulh. 36 guruş, 1 zolota Medyûn. Rukiye bt. Receb. Deyn: 99 guruş. 37. 136 guruş. Bedel-i sulh: 33 guruş, 1 zolota?. 12. 45 guruş Medyûn. Meryem bt. Salih. Deyn: 19,5 guruş. Bedel-i sulh: 8,5 guruş Medyûn. Hürmüz v. Dimitri. Deyn: 43 guruş. Bedel-i Sulh. 16 guruş Medyûn. Krih? v. Kapdi?. Deyn: 170 guruş. Bedel-i sulh: 56 guruş, 1 zolota Medyûn. Aslan v. Avraham. Deyn: 50 guruş. Bedel-i sulh: 17 guruş Medyûn. Aritun v. Şöhret. Deyn: 160 guruş. Bedel-i sulh: 50 guruş Medyûn. Haçador v. Anton. Deyn: 18,5 guruş. Bedel-i sulh: 6 guruş Medyûn. Kabril v. Gil. Deyn: 19 guruş. Bedel-i sulh: 6 guruş, 1 sülüs Medyûn. İstemad v. Anton. Deyn: 67 guruş. Bedel-i sulh: 22 guruş Medyûn. Zakar v. Asvador. Deyn: 60 guruş. Bedel-i sulh: 22,5 guruş Medyûn. Şimon v. Anton. Deyn: 45 guruş. Bedel-i sulh: 16 guruş Medyûn. İslâm b. Hüseyin. Deyn: 210 guruş. Bedel-i sulh: 32 guruş Cem‘an yekûn: Asl-ı deyn: 1389,5 guruş Taraf-ı mîrîden bedel-i tesellüm. Bedel-i sulh: 455 guruş Bâlâda zikrolunduğu vech üzere bedel-i sulhdan müctemi‘ dört yüz elli beş guruşu veznedâr-ı merkūm Ali Çelebi mûmâ-ileyh Ebûbekir Ağa ma‘rifetiyle taraf-ı mîrîden erbâb-ı hukūka bi-kadri’l-hısas teslîm onlar dahi kabz ve mâ‘adâdan medyûnlarının zimmetlerini ibrâ ve ıskāt etmeleriyle zikrolunan medyûnlar sicn-i mezbûrdan tahlîs olundukları bu mahalle şerh ve[ri]ldi. El-emru hasbemâ hurrire fîh zübdetü’l-fakīr ileyhi te‘âlâ. Abdullah b. Şaban el-müvellâ-hilâfeten bi-Medîne-i Kostantıniyye gufira lehümâ