İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 135 Hüküm no: 57 Orijinal metin no: [19b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Çelebi b. Mustafa’nın sattığı cariyesi Emine’nin bedelini Hasan Efendi b. Ali’den teslim aldığı İşbu derûn-ı hüccet-i şer‘iyede ismi mastûr olan Osman Çelebi b. Mustafa meclis-i şer‘-i şerîf-i enverde vekîl-i mezbûr Hasan Efendi b. Ali mahzarında ikrâr-ı tâm ve takrîr-i kelâm edip işbu derûn-ı hüccet-i şer‘iye tasrîh olunduğu vech üzere mevsûfe-i mezbûre Emine’nin semeni olmak üzere mukaddemâ yedimden kabz ve hâlâ bi-tarîkı’l-mürâca‘a bana redd ü teslîmine hükm-i hâkimü’ş-şer‘ lâhık olan dokuz bin beş yüz akçeyi mezbûr Hasan Efendi işbu meclis-i şer‘de bana redd ü teslîm ben dahi yedinden ahz u kabz ve tesellüm eyledim min-ba‘d meblağ-ı mezbûrdan bir habbe bâkī kalmadı dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâdis aşer min-şehri Recebi’l-ferd li-sene seb‘a ve mie ve elf. Şuhûdü’l-hâl: Abdullah Çelebi b. Mehmed, el-Hâc Mehmed b. Abdullah, Mehmed b. Abdurrahman, Mehmed Efendi b. İbrahim, Mustafa Çelebi b. Hüseyin, Mustafa Çelebi b. Şaban.