İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 309 Hüküm no: 209 Orijinal metin no: [69a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden keresteciler nukud vakfı mütevellîsi Mehmed’in yerine Hüseyin Çelebi b. Hasan’ın tayini Dârü’l-hilâfeti’l-aliyye Kostantıniyyeti’l-Mahmiye’de Odun kapısında vâki‘ keresteciler mühimmâtına mevkūfe nukūda mütevellî el-Hâc Mehmed fevt olmağla tevliyet-i mezbûre mahlûle ve kerestecilerden işbu râfi‘ü’l-kitâb el-Hâc Hüseyin Çelebi b. Hasan nâm kimesne her vechile tevliyete ehil ve hırfetinin muhtârı olduğu yine kerestecilerden zeyl-i kitâbda muharrerü’l-esâmî olan Müslimîn ihbârlarıyla mütehakkık olmağın mezbûr Hüseyin vakf-ı mezbûra kıbel-i şer‘den hasbî mütevellî nasb u ta‘yîn olundukda ol dahi tevliyet-i merkūmeyi kabûl ve merâsimini edâya ta‘ahhüd ve iltizâm etmeğin mâ vaka‘a bi’t-taleb ketb olundu. Fi’l-yevmi’s-sâdis ve’l-ışrîn min-şehr-i Şevvali’l-mükerrem sene seb‘a ve mie ve elf. Şuhûdü’l-hâl: Mehmed Efendi b. Mehmed, Ahmed Çelebi b. İsmail Kethudâ-yı keresteciyân, Mehmed b. Hasan, Mustafa Çelebi b. Mehmed, el-Hâc Mustafa b. Hüseyin ve gayruhum mine’l-huzzâr.