İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 310 Hüküm no: 210 Orijinal metin no: [69a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi b. Ahmed’e olan borcundan kalan miktarı ödemesi hakkında Ahmed b. Mehmed’e tenbihte bulunulması Mahmiye-i İstanbul’da Ali Paşa-yı atîk mahallesi sükkânından Mehmed Çelebi b. el-Hâc Ahmed tarafından husûs-ı âti’l-beyâna nehc-i şer‘î ve tarîk-i mer‘î üzere vekâleti sâbit olan Abdurrahman Çelebi b. Mehmed meclis-i şer‘-i şerîf-i enverde Ahmed b. Mehmed mahzarında üzerine da‘vâ ve takrîr-i kelâm edip müvekilim mezbûrun mezbûr Ahmed zimetinde cihet-i karz-ı şer‘îden kırk guruş hakkı olup meblağ-ı mezbûrun yirmi iki guruşunu ahz u istifâ ve bâkī zimmetinde on sekiz guruş hakkı kalmağla hâlâ suâl olunup bi’l-vekâle alıverilmesi matlûbumdur dedikde gıbbe’s-suâl mezbûr Ahmed cevâbında müvekkil-i mezbûr cihet-i merkūmeden bâkī zimmetinde on sekiz guruş deyni olduğunu tâyi‘an ikrâr ve i‘tirâf etmeğin alâ mûcib-i i‘tirâfihî meblağ-ı bâkī-i mesfûr on sekiz guruşu vekîl-i mezbûr Abdurrahman’a edâ ve teslîme mezbûr Ahmed’e ba‘de’t-tenbîh mâ hüve’l-vâki‘ bi’t-taleb ketb olundu. Fi’l-yevmi’s-sâdis aşar min-Şevvali’l-mükerrem li-sene seb‘a ve mie ve elf. Şuhûdü’l-hâl: Mehmed b. Veli, Ömer b. Ahmed, Ali b. Bali, Mehmed Çelebi b. İsa Efendi.