İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 439 Hüküm no: 334 Orijinal metin no: [105a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Safiye Hatun’un vakıf evinin Mustafa Efendi b. Mehmed’e tahsis edildiği Merhûme Safiye nâm sahibetü’l-hayrın ulemâya meşrûta vakfı olup mahmiye-i İstanbul’da Karabaş mahallesinde vâki‘ ma‘lûmü’l-hudûd iki bâb tahtânî oda ve su kuyusu ve zât-ı eşcâr-ı müsmire hadîkayı müştemil menzilin ber-mûceb-i şart-ı vâkıfe tevcîh-i hâkimü’ş-şer‘le mutasarrıfı Abdülbaki Efendi fevt olup süknâ-yı menzil-i mezbûr mahlûle olmağın hâkim-i muvakki‘-i sadr-ı kitâb tûbâ-lehû ve hüsne meâb hazretleri süknâ-yı menzil-i mezbûru işbu sahibü’l-kitâb her vechile süknâya muhtâc ve mahall ü müstahak olan Mustafa Efendi b. Mehmed’e ber-mûceb-i şart-ı vâkıfe tevcîh edip tasarrufu içün işbu vesîka-i enîka ketb olundu. Fi’l-yevmi’r-râbi‘ ve’l-ışrîn min-Zilka‘deti’ş-şerîfe li-sene seb‘a ve mie ve elf. Şuhûdü’l-hâl: Fahrü’l-kuzât Receb Efendi nâib-i kapan, Abdurrahim el-imâm, fahrü’s-sâdât es-Seyyid Ali Çavuş b. Mehmed, Abdurrahim Efendi Kâtib-i muhâsebe, el-Hâc Mustafa Çelebi b. el-Hâc Sefer, İbrahim b. Ahmed.