.:: İstanbul Kadı Sicilleri ::.


Ahi Çelebi Mahkemesi 1 Numaralı Sicil (H. 1063-1064 / M. 1652-1653)
cilt: 49, sayfa: 108
Hüküm no: 105
Orijinal metin no: [16b-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


el-Hâc Mehmed’in vârislerinden İbrahim Efendi’nin kendi hakkını para ve eşya karşılığında diğer vârislere verdiği

Mahmiye-i İstanbul’da Süleymâniye Câmi‘-i şerîfi kurbünde sâkin iken bundan akdem vefât eden el-Hâc Mehmed b. Mustafa Bey menziline varıp zeyl-i kitâbda mastûrü’l-esâmî olan Müslimîn ile huzûrlarında akd-i meclis-i şer‘-i şerîf olundukda meclis-i mezbûrda müteveffâ-i mezbûrun verâseti zevce-i metrûkesi Kâtibe bt. Abdullah ve sulbiye kızları Ümmühani ve Havvâ nâm hatunlara ve li-ebeveyn ammi oğlu İbrahim Efendi b. Mehmed Efendi’ye münhasıra olup muhallefâtının yirmi dört sehmden üç sehmi zevcesine ve sekiz sehmi kızlarına ve iki sehmi ammi oğluna isâbet eylediği mütehakkık ve mübeyyen oldukdan sonra merkūm İbrahim Efendi meclis-i mezbûrede merkūmât Kâtibe ve Ümmühani nâm hatunlar mahzarlarında ikrâr ve takrîr-i kelâm [edip] mûrisim müteveffâ-i mezbûrun muhallefâtından bana isâbet eden zikr olunan beş sehm hissem mukābelesinde on beş bin nakd râyic fi’l-vakt fıddî akçe ile bir kara kılıç ve bir müsta‘mel zerdeva kürk ve bir bogası kapama fener? ve bir hasırı mezbûrelerin yedlerinden bi’t-tamam ahz u kabz edip müteveffâ-i mezbûrun mahalle-i mezbûrede vâki‘ nısf menzil ve Çengelköyü’nde vâki‘ nısf bağa ve Kadıköyü’nde vâki‘ bir kıt‘a bağa ve kalîl ve kesîr muhallefâtına müte‘allika mezbûrlar ile vechen mine’l-vücûh nizâ‘ım kalmadı dedikde gıbbe’t-tasdîk kayd şüd.

Fi’t-târîhi’l-mezbûr.

Şuhûdü’l-hâl: Mehmed Efendi b. Ahmed, Mehmed Efendi b. Mustafa, el-Hâc Hasan b. İbrahim, Kadri b. Ebûbekir ve gayruhum.