İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 525 Hüküm no: 407 Orijinal metin no: [129b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe b. Bayram’ın veraseti zevce-i metrukesi Havva bt. Osman’la diğer varislerine kaldığı Fi’l-asl vilâyet-i Anadolu’da Kastamonu kazasına tâbi‘ Karasu nâm karye ahâlîsinden ve Dergâh-ı âlî yeniçerilerinin birinci ağa bölüğüne mahsûs oda neferâtından olup mahmiye-i İstanbul’da Mollahüsrev mahallesinde sâkin iken vech-i âtî üzere maktûlen fevt olan Ali Beşe b. Bayram b. Abdi’nin verâseti zevce-i metrûkesi Havva bt. Osman nâm hatun ile li-ebeveyn kız karındaşı Fâtıma nâm hatuna ve li-ebeveyn ammi Mehmed b. Abdi b. Bedreddin nâm kimesneye münhasıra olduğu mahalle-i mezbûre sükkânından Mustafa Çelebi [130a] b. İsmail ve Osman Beşe b. Abdullah şehâdetleriyle hasm-ı şer‘î-i câhid mahzarında şer‘an sâbit ve sübût-i verâsetlerine hükm-i şer‘î lâhık oldukdan sonra zâtlarını ma‘rifet-i şer‘iye ile ârifân mezbûrân Mustafa Çelebi ve Osman Beşe ta‘rîfleriyle mu‘arrefetân olan mezbûretân Havva Hatun ve Fâtıma Hatun ile ammi mezbûr Mehmed meclis-i şer‘-i şerîf-i enverde mahmiye-i mezbûrede Sultanhamamı kurbünde Ali Paşa-yı Atîk mahallesinde sâkin Tekyenişînoğlu demekle meşhûr Ahmed b. Mehmed nâm kimesne mahzarında her biri üzerine da‘vâ ve takrîr-i kelâm edip, târih-i kitâbdan altı gün mukaddem mûrisimiz mezbûr Ali Beşe mahmiye-i mezbûrede Edirnekapısı dâhilinde Kasımağa mahallesinde sâkine zevcesinin kız karındaşı Âişe Hatun’un menziline misâfiren varıp mahalle-i mezbûre mescid-i şerîfinde salât-ı mağrib-i ba‘de’l-edâ menzil-i mezbûre gelirken Acıçeşme önünde işbu mezbûr Tekyenişînoğlu Ahmed bir siyah kabzalı hançer ile mûrisimiz Ali Beşe’nin sağ küreği üzerine amden ve kasden darb ve cerh edip ol cerhden mûrisimiz mezbûr Ali Beşe ol an fevt olmuşdur hâlâ suâl olunup mezbûr Tekyenişînoğlu Ahmed izn-i hâkimü’ş-şer‘le kısas olunmak matlûbumuzdur dediklerinde gıbbe’s-suâl ve’l-inkâr müdde‘ûn-ı mezbûrûndan müdde‘âlarına mutâbıka beyyine taleb olundukda udûl-i ahrâr-ı adâd-ı Müslimînden olup zikrolunan Kasımağa mahallesinde sâkinler olan Börüncekci Abdi Beşe b. İbrahim ve Bezzâzcı diğer Abdi b. Ahmed nâm kimesneler li-ecli’ş-şehâde meclis-i şer‘a hâzırân olup isre’l-istişhâd fi’l-hakīka müdde‘ûn-ı mezbûrûnun maktûl-ı mezbûr Ali Beşe b. Bayram b. Abdi târih-i kitâbdan altı gün mukaddem zikrolunan Kasımağa mescid-i şerîfinde salât-ı mağribi ba‘de’l-edâ menzil-i mezbûra giderken Acıçeşme önünde işbu mezbûr Tekyenişînoğlu Ahmed bir siyah kabzalı hançer ile mezbûr Ali Beşe b. Bayram b. Abdi’nin sağ küreği üzerine bizim huzûrumuzda amden ve kasden darb ve cerh edip ol darbdan müteessiren mezbûr Ali Beşe b. Bayram b. Abdi ol an fevt oldu biz mezbûr Tekyenişînoğlu Ahmed’in mezkûr Ali Beşe’yi darb ve katline bu vech üzere şâhidleriz, şehâdet dahi ederiz deyü mezbûr Tekyenişînoğlu Ahmed muvâcehesinde müttefiku’l-lafz ve’l-ma‘nâ her biri edâ-i şehâdet-i şer‘iye eylediklerinde şâhidân-ı mezbûrân sâkin oldukları mahalle-i mezbûre ile civârından olan mahallât ahâlîlerinden olmalarıyla vukūf-ı tâmmı olan zikrleri [zikr-i] âtî Müslimînden ta‘dîl ve tezkiye olundukda şehâdetleri makbûle oldukdan sonra merkūm Tekyenişînoğlu Ahmed’in ahvâlini i‘lâm için evvelâ sâkin olduğu mârrü’z-zikr Alipaşa-yı Atîk mahallesinde sâkinler olan İmâm İbrahim Efendi b. Ali ve Hatîb İbrahim Efendi b. Kemâleddin ve Müezzin İsmail b. Süleyman ve Mustafa b. Mehmed ve Mehmed b. Dilaver ve Mehmed b. Ahmed ve Ahmed b. Mehmed ve es-Seyyid Ahmed b. es-Seyyid Mustafa ve el-Hâc Kâzım b. Yusuf ve İbrahim b. Abdullah ve Elhâc Ahmed b. Osman ve Abdullah b. Mustafa ve Mustafa b. Himmet ve Mehmed b. Abdullah ve Halil b. İbrahim ve İsmail b. Ahmed ve Hasan b. Hüseyin ve Musa b. İbrahim ve Mehmed b. Ahmed ve İbrahim b. Şaban ve Mehmed b. Sâdık ve Abdullah Çelebi b. İbrahim ve Ahmed b. Süleyman [ve] Mehmed b. Receb ve Ali b. Ahmed ve Halil b. Mustafa ve Mustafa b. Mehmed ve Mustafa b. Abdullah ve Hasan b. Abdullah ve Abdullah b. Receb ve Hasan Beşe b. Abdullah Yazıcı [ve] Ahmed b. Hüseyin ve Mehmed b. Ahmed ve Hasan b. Hüseyin ve Ali b. Süleyman ve Ali b. Abdullah ve Mehmed b. Ali ve Mehmed b. Hüseyin ve Ömer b. Mehmed ve Mehmed b. Mustafa ve Ebûbekir b. Süleyman ve Mustafa b. Hüseyin ve Mehmed b. Abdurrahim ve Elhâc Mehmed b. Mehmed ve Mustafa b. İbrahim ve Mustafa Ağa b. Ali ve Mehmed b. Ali ve Mehmed b. Yusuf ve Ahmed b. İsmail ve Hüseyin b. Murad ve Mahmud b. Elhâc Mustafa ve Mustafa b. Ahmed ve Hasan b. Süleyman ve Bekir b. Veli ve Zülfikar b. Abdullah ve Elhâc Mehmed b. Mehmed ve Mehmed b. Mustafa ve Derviş b. Ömer ve Dilaver b. Abdullah ve Mehmed Beşe b. Hasan ve Ahmed b. Ali ve Yusuf b. Abdullah ve Mehmed b. Abdullah ve Süleyman b. Hüseyin ve Abdülbaki b. Ali ve es-Seyyid İbrahim b. Ali ve Yusuf b. Abdullah [ve] Siyavuş b. Abdullah ve Elhâc İsmail b. Şaban ve Mustafa b. Murad ve Şahin b. Abdullah [ve] İsa b. Abdi ve Mehmed b. Yusuf ve Mustafa b. Ahmed ve Mehmed b. Yahya ve Mustafa b. Abdullah ve Mehmed b. Hasan ve Mehmed b. Yusuf ve Mehmed b. Salih ve Mehmed b. Mustafa [130b] ve Mustafa b. Hüseyin ve Dilaver b. Abdullah ve Ahmed b. Elhâc Ömer ve Abdullah b. Murad ve Mustafa b. Receb ve mahalle-i mezbûre civârında olan mahallâttan Hoca Kasım Gönânî mahallesi İmâmı Mustafa Efendi b. Mehmed ve Mustafa b. Mehmed mü’ezzin ve sâbıkā subaşı olan İbrahim Ağa b. Abdülkerim ve Ali Efendi b. Mustafa ve Kavukçu Mehmed b. Mustafa ve Hüseyin b. Süleyman ve Hüseyin b. Abdullah ve Sefer b. İbrahim ve Mustafa b. Muharrem ve Ali Ağa b. Abdullah ve Salih b. Müstakim ve Mustafa b. Habib ve Mehmed b. Habib ve İbrahim b. Mehmed ve İbrahim b. Bektaş ve Hüseyin b. Ali ve Şahin b. Ali ve Ahmed b. Süleyman ve Hüseyin b. Ahmed ve Mehmed b. Mustafa ve Mehmed b. İsmail ve Hüseyin b. Mustafa ve Şaban b. Mustafa ve Receb b. İbrahim ve Ahmed b. Abdullah ve Mehmed b. Süleyman ve Abdurrahman b. Ali ve Yusuf b. Abdullah ve Mehmed b. Ahmed ve Abdurrahîm b. Receb ve Ahmed b. Abdullah ve Mustafa b. Hüseyin ve Mehmed b. Hüseyin ve Ali b. Mustafa ve Receb b. Ali ve Yusuf b. Receb ve Mehmed b. Mustafa ve Abdullah b. Süleyman ve Yusuf b. Abdullah ve Hasan b. Mehmed ve Mustafa b. Abdullah ve İsmail b. Mustafa ve Ahmed b. Abdullah ve Yusuf b. Mehmed ve Mehmed b. Ahmed ve Ahmed b. Mehmed ve Salih b. Hüseyin ve Mustafa b. Ahmed ve Mehmed b. Ömer ve İbrahim b. Mehmed ve Veli b. Mehmed ve Mustafa b. Mehmed ve es-Seyyid Hüseyin b. Şükrullah ve es-Seyyid Hüseyin b. Himmet ve Mehmed b. Abdullah ve yine mahalle-i mezbûre civârında olan mahallâttan Kefeli Mahallesi İmâmı Ahmed Efendi b. Mehmed ve Mahmud b. Mustafa ve İbrahim Beşe b. ( ) ve Hüseyin b. Mehmed ve Abdullah b. Mehmed ve es-Seyyid Nurullah b. Sunullah ve Ali b. İbrahim ve İbrahim b. Mehmed ve Abdurrahman b. Abdülgani ve Ali b. Mustafa ve Mustafa b. Mehmed [ve] İvaz b. Durmuş [ve] Abdullah b. Mustafa ve İbrahim b. Bâyezid ve Mehmed b. Ali ve Nurullah b. Ebûbekir ve Ahmed b. Kefeli ve Ömer b. Receb ve Ahmed b. Mustafa ve es-Seyyid Ali b. Mehmed ve Veli b. Murteza ve Mehmed b. Mustafa ve Mehmed b. Muslı ve Elhâc İbrahim b. Mehmed ve Hüseyin b. Ali ve Ali b. Mehmed ve Hasan b. Mustafa ve Mustafa b. Hüseyin ve İbrahim b. Ahmed ve Ali Çelebi b. Mehmed ve Abdullah b. Mustafa ve Mahmud b. İlyas ve İbrahim b. Hasan ve Mehmed b. Ali ve yine mahalle-i mezbûre civârında olan mahallâttan Çakır Ağa Mahallesi İmâmı Abdülkerim Efendi b. Mustafa ve Ahmed b. Abdullah ve Süleyman b. Abdullah ve Osman b. Abdullah ve Abdullah b. Mehmed ve Yusuf b. Abdullah ve Mehmed b. Abdullah ve Hasan b. Mustafa ve Abdullah Çelebi b. Mehmed ve Mehmed b. Süleyman ve Mehmed b. Şahin ve Mehmed b. Ahmed ve Mahmud b. Hasan ve Mustafa b. İbrahim ve Rıdvan b. Abdullah ve Mehmed b. İsmail ve Abdullah b. Mehmed ve Şaban b. Abidin ve Muslı b. Mustafa ve Halil b. Ali ve Halil b. Mehmed ve Abdullah b. Murteza ve Mustafa b. İbrahim ve İbrahim b. Ali ve Abdullah b. Abdurrahman ve Bekir b. Koca ve Mustafa b. Ahmed ve Receb b. İsmail ve Dilaver b. Abdullah ve Mehmed b. Mustafa ve Ahmed b. Hasan ve yine mahalle-i mezbûre civârında olan mahallâttan Haticesultan Mahallesi İmâmı Salih Efendi b. Mehmed ve İmâm Hasan Efendi b. Bayram ve İmâm Receb b. İbrahim ve Mustafa b. Ramazan ve Mehmed b. Mustafa ve Hasan b. Receb ve Şaban b. Yusuf ve Mehmed b. Ramazan ve Mehmed b. Hasan ve Hüseyin b. Ali ve Receb b. Mehmed ve Mehmed b. İsmail ve Salih b. Ahmed ve Ahmed b. Mehmed ve Ali b. Hüseyin ve Mustafa b. Ahmed ve İvaz b. Ali ve İsa b. Ahmed ve Mustafa b. Abdullah ve Ömer b. Ahmed ve Hasan b. Hüseyin ve Receb b. Mehmed ve Mustafa b. Mahmud ve Mehmed b. Musa ve İbrahim b. İsmail ve İbrahim b. Yusuf ve Ahmed b. Mustafa ve Mehmed b. Mustafa ve Hüseyin b. Abdullah ve İsmail b. Ahmed ve Şahin b. Abdullah ve Mustafa b. Ali ve yine mahalle-i mezbûre civârında olan mahallâttan Perâkende Kasımağa Mahallesinde olan İmâm İbrahim b. Mahmud Karamustafa Paşa Mescidi İmâmı Abidin Efendi b. İslâm ve Müezzin Yusuf b. İbrahim ve Cafer b. Satılmış ve Mustafa b. Abdullah ve Müezzin es-Seyyid Mehmed b. Cafer ve Mustafa b. Mehmed ve Ahmed b. Hasan ve İbrahim b. Mustafa ve Mustafa b. Abdullah ve Mehmed b. Bayram ve Mehmed b. Mustafa ve Abdullah b. Receb ve Ali b. Receb ve Ali b. Mustafa ve Mustafa b. Süleyman ve İbrahim b. Mehmed ve İbrahim b. Hüseyin ve Hasan b. Hüseyin ve Mustafa b. Ramazan ve Ahmed b. Mustafa ve Mehmed b. Hasan ve yine mahalle-i mezbûre civârında olan mahallâttan Elhâc İsa Mahallesi İmâmı Ahmed Efendi b. Veli ve kayyûm-ı mezbûr Hüseyin b. Ahmed ve Mustafa b. Mehmed ve Muslı b. Ebûbekir ve Halil b. Mehmed ve Mehmed b. Abdullah ve Ali b. Osman ve İbrahim b. Abdullah ve Mehmed b. Mustafa ve Hüseyin b. Haydar ve Elhâc Ali b. Abdullah ve İvaz b. Abdullah ve Süleyman b. Mehmed Elhâc Mustafa b. Ali ve İvaz b. Abdullah ve Süleyman b. Mehmed ve Elhâc Mustafa b. Ali ve Receb b. Mehmed ve Şaban [131a] bin Mahmud ve Mustafa b. Hasan ve Mehmed b. Mehmed ve Ali b. İsmail ve Mustafa b. Mehmed ve Mehmed b. Abdullah ve sâirler meclis-i şer‘a hâzırûn olan udûl-i Müslimîn ve sikāt-ı muvahhidîn fi’l-hakīka mezbûr Tekyenişînoğlu Ahmed dâimâ sekerânen kılıç ve hançer ve bıçak ile leylen ve nehâren mahallât-ı mezbûrede devr-i esvâk ve sayha edip müsâdif olduğu emred oğlanlara ve Hatunlara ta‘arruz eder hatta katl-i nüfûs için birkaç def‘a ahz u darb ve habs olundukda bir tarîkle halâs olup mütenebbih ve münzecir olmayıp bu makūle darb ve cerh âdet-i müstemirresi olup ef‘âl ve akvâlinden ibâdullâh müte’ezzî ve mutazarrır olmağın, mezbûr Tekyenişînoğlu Ahmed sâ‘î bi’l-fesâd fi’l-arzdır vech-i arzdan izâlesi lâzım ve lâ-büddür? deyü her biri muvâcehesinde alâ tarîkı’ş-şehâde haber vermeğin ve maktûl-i mezbûr Ali Beşe’nin evliyâsı dahi kısasa tâlib olmalarıyla mûcebiyle mezbûr Tekyenişînoğlu Ahmed’in katl ve vech-i arzdan izâlesi ile ba‘de’l-hükm mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min-Zilhicceti’ş-şerîfe li-sene [1]107 Şuhûdü’l-hâl: Umdetü’l-kuzât Mustafa Efendi, Umdetü’l-müderrisîn Mehmed Efendi b. Abdurrahman Efendi, fahrü’l-kuzât Murtaza Efendi, fahrü’l-kuzât Ali Efendi b. Hüseyin, umdetü’l-müderrisîn Karaibrahim Efendi, Elhâc Mustafa Efendi b. Ahmed Kethudâ-yı muhzırân, Abdurrahman Efendi halîfe-i muhâsebe, Elhâc Halil b. Bezzâsistânî.