İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 538 Hüküm no: 412 Orijinal metin no: [134a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Ağa b. Ali’nin Yasef v. David’e olan borcunu ödemesi Da‘va Tâife-i Yahûd’un Portokal Cemâ‘atinden olup mahmiye-i İstanbul’da Unkapanı kurbünde sâkine Yasef v. David nâm Yahûdî meclis-i şer‘-i şerîf-i enverde Mustafa Ağa b. Ali mahzarında üzerine ve takrîr-i kelâm edip, mezbûr Mustafa Ağa zimmetinde cihet-i karz-ı şer‘îden beş yüz kuruş hakkım olmakla mezbûrun elli kuruşun yedinden ahz u kabz edip bâkī dört yüz elli kuruş hakkım kalmağın suâl olunup alıverilmesi matlûbumdur dedikde gıbbe’s-suâl mezbûr Mustafa Ağa cevâbında fi’l-hakīka müdde‘î-i mezbûr Yasef’e ber-vech-i muharrer cihet-i mezbûreden zimmetinde dört yüz elli kuruş el-ân vâcibü’l-edâ ve lâzımü’l-kazâ deyni olduğunu ikrâr ve i‘tirâf etmeğin alâ mûceb-i i‘tirâfihî meblağ-ı mezbûr dört yüz elli kuruşu mezbûr Yasef Yahûdiye edâ ve teslîme mezbûr Mustafa Ağa’ya tenbîh birle mâ hüve’l-vâki‘ bi’t-taleb ketb olundu. Fi’l-yevmi’s-sâdis ve’l-ışrîn min-Zilhicce sene [1]107 Şuhûdü’l-hâl: Çukadar Ali Beşe, Sarrâc Ebûbekir Beşe, İbrahim Çelebi b. Ahmed, Receb b. Süleyman, İbrahim b. Mehmed, Mustafa b. Şaban, Ahmed b. Ahmed ve gayruhum mine’l-huzzâr.