İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 621 Hüküm no: 479 Orijinal metin no: [160a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi b. Mehmed’e ait olup Attar İbrahim Çelebi’nin kiracısı olduğu dükkânın, kiracının borçlu olarak terk edip gitmesi sebebiyle boşaltılıp sahibine verilmesi Mahmiye-i İstanbul’da Yenibahçe kurbünde Karabaş mahallesinde sâkin Mustafa Çelebi b. Mehmed meclis-i şer‘de takrîr-i kelâm edip mahmiye-i mezbûrede Monla Şeref mahallesinde vâki‘ taht-ı tasarrufumda olan bir bâb pazarcı dükkânında müste’ciri olan Attar İbrahim Çelebi medyûn olmağla târih-i kitâbdan altmış gün mukaddem gaybet-i munkatı‘a ile gaybet edip dükkân-ı mezbûr munfasıl ve mu‘attal kaldığından mâ‘adâ içinde olan eşyâsı telef ve zâyi‘ olmak ihtimâli olmağla dükkân-ı mezkûr ma‘rifet-i şer‘le açılıp ve içinde bulunan eşyâ tahrîr ve bir me’men yere vaz‘ ve dükkân-ı mezbûr tahliye ve bana teslîm olunmak matlûbumdur deyü husûs-ı mezbûr için fermân-ı şerîf ibrâz etmeğin imtisâlen-leh savb-ı şer‘-i mutahhardan Mevlânâ Murtaza Efendi irsâl olunup ol dahi zeyl-i defterde muharrerü’l-esâmî olan Müslimîn ile dükkân-ı mezkûrun üzerine varıp ba‘de’l-feth içinde mevcûd olup ba‘de’t-tahrîr kıbel-i şer‘den kayyûm nasb olunan mezbûr Mustafa Çelebi’ye teslîm olunan eşyâdır ki vech-i âtî üzere zikrolunur. Fî 9 min-Saferü’l-hayr sene [1]108. Kıyılmış duhan ma‘a kutu. 3 kıyye Boş kavanos. 2 aded Kapaksız kutu. 1 aded Münakkaş ağaç kâse. 1 aded Lüle-i cedîd. 60 aded Sagīr 1, vezne 12, dirhem 20 aded Köhne kutu. 3 aded Köhne sagīr potüne 18 aded Köhne beyâz seccâde. 1 aded Eyüb bardakları. 6 aded Sagīr kutu 1, ma‘a hırdavat Boş sagīr mangal peştahta. 1 aded Akçe tahtası meksûr. 1 aded Pişkün duhânî tahta. 1 aded Köhne minder. 1 aded Alaca köhne kilim. 1 aded Kırmızı köhne kilim. 1 aded Beylik çuka parça. 2 aded Demir boyluklu tahta. 1 aded Demir balyan 1 aded Kırmızı köhne yasdık. 2 aded Sagīr yasdık memlû. 1 aded Köhne kırmızı kavuk. 1 aded Mâi köhne keçe parça. 2 aded Alaca sagīr kilim. 2 aded Köhne postaki. 1 aded Köhne sepet sandığı boş. 1 aded Ağaç busu kapaksız. 2 aded Mangal maşa köhne. 1 aded Kaba hasır köhne. 2 aded Beyaz köhne bez yüz yasdık. 1 aded Duhan tahtası ma‘a ağaç leğen. 1 aded Ağaç sagīr sini. 1 aded Yaprak duhan çürümüş ma‘a garâr. 28 vakıyye Kebîr çerçeve. 1 aded Tuç şam‘dân-ı sagīr ma‘a mikrâz. 1 aded Yatık şişe. 1 aded Def‘a şişe. 8 aded Def‘a bardak. 3 aded Alaca bardak. 2 aded Sagīr mikrâz. 1 aded Toprak kâse. 1 aded Def‘a mahlût lüle-i cedîd. 765 aded Mangal tahtası. 1 aded Kütâhî fincân. 24 aded Köhne faraş. 1 aded Toprak nalbeki. 3 aded Köhne saplı. 1 aded Köhne kaba fes penbe. 1 aded Sagīr demir mablak. 1 adde Köhne Kürek. 1 aded Sagīr çakı. 1 aded Sagīr masat. 1 aded Köhne def‘a duhan ma‘a garâr yanık? 17 vakıyye Ağaç tabla köhne. 6 aded Mezbûr Murtaza Efendi derûn-ı defterde olan eşyâ-i mezbûre dükkân-ı mezbûrede mevcûd olup kayyûm-ı mezbûra kabz eylediğini mahâllinde ba‘de’t-tahrîr muhzır Mehmed b. Mustafa ile ma‘an meclis-i şer‘e gelip alâ vukū‘ihî haber vermeğin mâ-hüve’l-vâki‘ bi’t-taleb ketb olundu. Fi’t-târihi’l-mezbûr. Şuhûdü’l-hâl: İmâm İbrahim Efendi b. Hüsrev, Ahmed Efendi b. Ramazan, Mehmed Ağa b. Ali, Feyzullah Çelebi b. Ahmed, Ahmed Çelebi b. Mehmed, Manav Hüseyin Beşe b. Hasan, Hasan Beşe b. Hüseyin, Ömer Beşe b. Abdullah, Süleyman Çelebi b. Ömer.