İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 696 Hüküm no: 533 Orijinal metin no: [183b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mîrî kalyonlar için gerekli mercimek yerine satın alınacak olan buğdaya ait ücretlerin sahiblerine tam olarak ödenmesi İstanbul kadısı izzetlü fazîletlü efendi hazretleri mîrî kalyonların levendâtı zahîrelerinden beş bin keyl mercimek yerine lâzım gelen bahâları vezîr-i mükerrem Kapudan Paşa hazretleri kethudâsı yedinde ashâblarına verilmek üzere altı bin iki yüz keyl buğday mübâya‘a olunmak bâbında emr-i şerîf sâdır olmağla imdi kimesneye gadr olmamak şartıyla ber-mûceb-i fermân ancak ol mikdâr buğdayı mübâya‘a etdirip lâzım gelen bahâları ne ise kethudâ-yı merkūm yediyle ashâblarına verdiresiz ve bu bahâne ile ibâdullâh zahîresinden bundan ziyâde kimesneye zahîre verilmekden ihtirâz eyleyesiz deyü. Fî 16 [L.] sene [1]107.