İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 105 Hüküm no: 38 Orijinal metin no: [13b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kahve fermanının ilgililere okunduğu Kahve Ma‘rûz-ı dâ‘î-i devlet-i aliyyeleridir ki Kahve husûsu için mübâşir ta‘yîn buyurulan fahrü’l-akrân muhassıl Mustafa Ağa kulları yediyle vârid olan fermân-ı âlîleri sicill-i mahfûza kayd ve kahve tüccârı ve attâr tâifesinden cemm-i gafîr ve cem‘-i kesîr meclis-i şer‘a ihzâr ve muvâcehelerinde kırâat olundukdan sonra min ba‘d tüccâr tâifesi kahvelerini yüz beşer paraya ve attâr tâifesi kurudukdan sonra yüz on para hesâbınca her üç dirhem bir paraya ibâdullâha bey‘ edip noksan etmemek üzre her biri râzı ve ta‘ahhüd ve ittifâk etmeğin, hilâf-ı fermân-ı âlî vaz‘ u hareket etmemek üzre her birine tenbîh-i ekîd olunduğu huzûr-ı âlîlerine i‘lâm olundu. Emr ü fermân hazret-i veliyyü’l-emrindir. Fî 16 Şevvâl sene 1138.