İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 106 Hüküm no: 39 Orijinal metin no: [14a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Suriçi ve dışında olan kasap dükkânlarına yenilerinin eklenmemesi talebi Ma‘rûz-ı dâ‘î-i devletleridir ki Ashâb-ı arzuhâl Yahûd kasabları meclis-i şer‘a her biri takrîr-i kelâm edip hâric-i sûr ve dâhil-i sûr[da] kadîmden ma‘lûmü’l-aded dükkânlarımız olup yedimizde olan fermân-ı âlî ve i‘lâm nâtık olduğu üzre ziyâde dükkân ihdâs olunmamak üzre beynimizde nizâm verilmişiken, Yahûd tâifesinden ba‘zı kimesneler nizâm-ı kadîmimize mugāyir dükkân ihdâs murâd etmekle, nizâmımızın ihtilâline bâ‘isdir deyû tazallum ve ber vech-i muharrer ihbâr olunmakla, nizâm-ı hâlleri için fîmâ ba‘d kadîmden olan dükkânlardan ziyâde dükkân ihdâs olunmamak üzre kethüdâlar yine tenbîh olunduğu bi’l-iltimâs huzûr-ı âlîlerine i‘lâm olundu. Bâkī fermân men lehü’l-emrindir. Fî 18 min Şevvâl sene 1138.