İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 113 Hüküm no: 50 Orijinal metin no: [16a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasap kanadarlarına sattığı her bir kıyye et için yarım akçe ücret verileceği Ma‘rûz-ı dâ‘î-i devletleridir ki Mahmiye-i İstanbul’da sığır kasablarının kanâdârlarıyla olan nizâm-ı kadîmleri şer‘le görüldükde kadîmden kanâdârların her biri bir günde yüz vakıyye lahm bey‘ ederse elli akçe ücret ve iki yüz vakıyye lahm bey‘ ederse yüz akçe ücret verilip ve’l-hâsıl her bir vakıyye lahma nısf akçe ücret verilegelip bundan ziyâde ve noksan verilmemek üzre beynlerinde nizâm verilmiş nizâm-ı mezkûr hilâfıyla ziyâde taleb etmemek üzre kanâdârlara taraf-ı şer‘den tenbîh olunup husûs-ı mezbûr için fermân-ı âlî ve hüküm recâ eyledikleri huzûr-ı âlîlerine i‘lâm olundu. Fermân men lehü’l-emrindir. Fî 25 Şevvâl sene [1]138.