İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 113 Hüküm no: 51 Orijinal metin no: [16a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İşlerini hakkıyla görmeyen paçacı taifesinin cezalandırılması talebi Ma‘rûz-ı dâ‘î-i devletleridir ki Mahmiye-i İstanbul’da paçacı tâifesinin kethüdâları olan Murad Beşe ve ustalarından Osman ve sâir tâife-i mezbûreye mukaddemâ kazanlarını kalaylayıp ve tabh edecekleri baş ve ayağı ibtidâ ütüleyip, ba‘dehû pâk ve tathîr eyledikden sonra a‘lâ tabh ve narh-ı cârî üzre bey‘a tâife-i mezbûreye bâ fermân-ı âlî kıbel-i şer‘den tenbîh ve mezbûrlar dahi vech-i meşrûh üzre ta‘ahhüd ve birbirlerine kefîl ve cümleye kethüdâları merkūm Murad Beşe kefîl olmuşdu hâlâ ba‘dehû yoklandıkda ke’l-evvel kazanlarını kalaylamayıp ve lâşe olan baş ve ayaklarını mülevvesen tabh ve ibâdullâha bey‘ ile ızrâr ve hükkâmı dahi iğfâl ederler, mezbûrlara şer‘an lâzım gelen ta‘zîr-i şedîd hazret-i veliyyü’l-emre tefvîz olundu. Fî 25 Şevvâl sene [1]138.