İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 114 Hüküm no: 52 Orijinal metin no: [16a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mürekkepçilerin belirledikleri mürekkep terkibi ile mürekkepçilerin isimleri Bâ sah İşbu defter mûcebince amel ve hilâfına tasaddî edenler men‘ ve def‘ olunup haklarından gelinmek deyû buyruldu. Defter oldur ki mürekkebçiler esnâfının cümle ittifâkıyla hâlis ve pâk mürekkeb olmak üzre ittifâk eyledikleri mürekkeb terkîbidir ki ber vech-i âtî zikr olunur; Fî 14 Şevvâl sene [1]138. Zamk-ı Arabî 1 kıyye Dûde-i bezir 80 dirhem Lahor çivid 10 dirhem Sabur-ı sarı 8 dirhem Rastık taşı 30 dirhem Mazı-ı Musul 100 dirhem Mersin yaprağı 100 dirhem Aftimon kibrid 30 dirhem Çaç-ı Kıbrıs 25 dirhem Nebât şekeri 15 dirhem Anzarut 20 dirhem Meyan balı 5 dirhem Fukarâ ve zu‘afâ için harcî ta‘bîr olunur mürekkeb terkîbidir ki ber vech-i âtî zikr olunur; Zamk 1 kıyye Çam sakızı dûdesi 80 dirhem Mazı 100 dirhem Mersin yaprağı 100 dirhem Aftimon 40 dirhem Hâlâ mürekkebçi esnâfının kethüdâ ve ihtiyârlarıdır ki ale’l-esâmî ber vech-i âtî zikr olunur; Sultân Bayezid’de Kethüdâ usta Osman Def‘a Sultân Bayezid’de usta Hasan Def‘a Sultân Bayezid’de usta İbrahim Def‘a Sultân Bayezid’de usta İsmail Def‘a Sultân Bayezid’de usta Ömer Def‘a Sultân Bayezid’de usta Ali Def‘a Sultân Bayezid’de usta diğer Ali Def‘a Sultân Bayezid’de usta Derviş Mehmed Def‘a Hasan b. Ali, Dikilitaş’da usta Halil Sultân Selim’de usta Hüseyin el-Hâc Halil b. Mustafa Bâlâda tahrîr olunan mürekkebçi ustalarının kethüdâ ve ihtiyârları ma‘rifetleriyle ba‘de’l-yevm tahrîr olunan eczâdan hâlis ve pâk mürekkeb işleyip, a‘lâ mürekkebin beher vakıyyesi ikişer yüz akçe ve harcî ta‘bîr olunur mürekkebin beher vakıyyesi ibâdullâha ellişer akçeye bey‘ etmek üzre ittifâk ve ta‘ahhüd ve birbirlerine kefîl oldukdan sonra mezbûrûna dahi kethüdâları kefîl olup minvâl-i meşrûh üzre düstûrü’l-amel kılınmak üzre iltimâs eyledikleri bu mahalle şerh verildi.