İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 124 Hüküm no: 61 Orijinal metin no: [19a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstanbul’daki kömürcülerin nizamı ve isimleri Bâ sah İşbu defter mûcebince amel ve hilâfına harekete tasaddî edenleri men‘ ü def‘ olunup haklarından gelinmek deyû buyruldu. Defter oldur ki İstanbul’da vâki‘ kömürcü esnâfının kethüdâsı Eyyûb ve yiğitbaşı ve ihtiyârları ma‘rifetleriyle fîmâ ba‘d ibâdullâha enfa‘ olmak için taşsız ve kumsuz ve kuru kömür bey‘ etmek üzre her biri ta‘ahhüd ve beynlerinde muhtekir olmayıp sermâye ve mahzen sâhibi olan ustalar birbirlerine kefîl olduklarından sonra mezbûrûna dahi hâlâ kethüdâları mezbûr Eyyûb kefîl olduğu defterdir ki ale’l-esâmî ber vech-i âtî zikr olunur. Fi’l-yevmi’s-sâbi‘ aşer min Şevvâli’l-mükerrem li sene semân ve selâsîn ve mi’e ve elf. Der Bâb-ı Balat; Usta İbrahim Beşe Kethüdâ usta Eyyûb Usta Abdurrahman Usta İbrahim Bey Der Bâb-ı Aya; Usta Mehmed Usta Mehmed Beşe Usta es-Seyyid İbrahim Der Bâb-ı Tüfenkhâne; Usta el-Hâc Mahmud Göncüoğlu usta Kiragos zimmî Der Bâb-ı Unkapanı; Usta Ohan Usta Homaz Delibalta Vartan zimmî Der Bâb-ı Ayazma; Hasan Beşe Kara Mehmed Der Bâb-ı Bahçe; Usta Ahmed Beşe Usta Mehmed Usta Ahmed Usta diğer Ahmed Usta Hasan Usta Ozon? zimmî Der Bâb-ı Çatladı; Usta Mehmed Usta Ebûbekir Beşe Der Bâb-ı Kum; Usta el-Hâc Mehmed Usta İbrahim Beşe Usta Uzun Mustafa Usta İsmail Beşe Usta İsmail Bey Usta Ahmed Bey Der Bâb-ı Yeni; Usta Virador zimmî Usta Asadur zimmî Der Bâb-ı Davudpaşa; Usta Molla İbrahim Usta Halil Beşe Usta Kara Osman Der Bâb-ı Samatya; Usta el-Hâc Osman Usta Ömer Bey Usta el-Hâc Mustafa Bâlâda tahrîr olunan kömürcü esnâfının kethüdâsı Eyyûb ve yiğitbaşı ve ihtiyârları ma‘rifetleriyle fîmâ ba‘d ibâdullâha rûz-ı Hızır’dan rûz-ı Kasım’a değin pâk ve hâlis ve taşsız ve kumsuz kuru kömürün beher vakıyyesi bir akçeye [satmak] üzre ittifâk ve ta‘ahhüd ve birbirlerine kefîl olduklarından sonra mezbûrûn dahi kethüdâları kefîl ve mezbûrûndan biri sefîne ile iştirâ eyledikleri kömürü Ayastefanos nâm karye ve gayrı mahallerde mahzenlere vaz‘ ba‘dehû develere tahmîl ve İstanbul’a getirip Istıranca kömürüdür deyû ibâdullâha bey‘ etmemek üzre ta‘ahhüd ve iskelelerden bey‘ eyledikleri kömürü mahzenlerine ihrâc eden hammâlların dahi kadîmden ücretleri her birinin yevmî kırkar akçe olduğu ihbâr olunmağla ber vech-i muharrer hammâllar kethüdâsına tenbîh olunduğu ve ba‘de’l-yevm zikr olunduğunun hilâfına kat‘â hareket etmeyip ve deve ve araba ile Silivri’den gelen kömürü dahi üslûb-ı merkūm üzre rûz-ı Hızır’dan [rûz-ı] Kasım’a değin beher vakıyyesini birer akçeye ve rûz-ı Kasım’dan rûz-ı Hızır’a değin yüz vakıyyesi yüz yirmişer akçeye ibâdullâha bey‘ etmek üzre ta‘ahhüd ve bu nizâm düstûrü’l-amel kılınmak üzre iltimâs eyledikleri huzûr-ı âlîlerine i‘lâm olundu. Fermân men lehü’l-emrindir.