İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 129 Hüküm no: 65 Orijinal metin no: [20a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed’in afyon şurubu dükkânı yerine gül tatlısı ve içecek dükkânı açmasına izin verildiği Berş i‘lâmı Bâ mühr-i hazret-i Efendi Ma‘rûz-ı dâ‘î-i devletleridir ki Sâhib-i arzuhâl Ahmed’in Aksaray’da Murad Paşa-yı Atîk mahallesinde vâki‘ dükkânı berş tabh olunan dekâkînden olmak üzre sâdır olan fermân-ı âlîlerine imtisâlen mukaddemâ mühürlenip lâkin mezbûr ba‘de’l-yevm berş ve sâir mükeyyifâta müte‘allik ma‘âcîn tabh ve te‘âtî etmeyip ancak eşribe ve gülşeker tabh ve te‘âtî edip ol vechile sâdır olan fermân-ı âlî mûcebince hırfet-i âharı eylemek üzre ahâlî-i mahalle-i mezbûreden İmâm Abdülbâkī Efendi b. Mehmed ve Mustafa Çelebi b. Hasan ve es-Seyyid Ahmed b. Mustafa ve el-Hâc Ahmed b. Ali ve İsmail b. Halil ve Müezzin Ahmed b. Mustafa ve diğer Ahmed b. Mustafa ve es-Seyyid el-Hâc Ömer b. Mehmed ve Hüseyin b. Hasib nâm kimesneler tekeffül eyledikleri tescîl-i şer‘î olundukdan sonra mezbûr Ahmed dükkân-ı mezbûr feth olunmak bâbında fermân-ı âlîlerini recâ eylediği bi’l-iltimâs huzûr-ı âlîlerine i‘lâm olundu. Fî 7 Zilka‘de sene [1]138.