İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 133 Hüküm no: 72 Orijinal metin no: [21a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kapatılan afyon şurubu dükkânının manav olarak kullanılmak üzere kiraya verildiği Berş i‘lâmı Ma‘rûz-ı dâ‘îleridir ki Sâdır olan fermân-ı âlîlerine imtisâlen berş tabh olunan dekâkînden olmak üzre sâhib-i arzuhâl Hüseyin Efendi’nin icâreteyn ile tasarrufunda olup İstanbul’da Odabaşı sûkunda vâki‘ dükkân dahi mühürlenmişdi lâkin mezbûr Hüseyin Efendi’nin zikr olunan dükkânı huzûr-ı müslimînde ba‘de’l-feth müste’ciri olan Ma‘cûncu yeniçeri Mustafa dükkân-ı mezbûrda mevcûd macuncu âlâtı ve sâir eşyâsını ahz u kabz ve tahliyye ve sâhibine teslîm, ol dahi ba‘de’l-kabz dükkân-ı mezbûru fîmâ ba‘d manav dükkânı olmak üzre Mehmed nâm kimesneye îcâr ve teslîm, ol dahi istîcâr ve kabûl eylediğini kıbel-i şer‘den irsâl olunan kâtib dâ‘îleri mahallinde tahrîr ve ma‘an irsâl olunan Çukadâr Yusuf Beşe ve muhzır Hüseyin ile meclis-i şer‘a gelip inhâ eylediği huzûr-ı âlîlerine i‘lâm olundu. Bâkī fermân men lehü’l-emrindir. Fî 7 Zilka‘de sene [1]138.