İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 134 Hüküm no: 73 Orijinal metin no: [21a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nalburların çivi kesicilere teslim ettikleri demirin cins ve miktarı Nalbur Nizâm-ı kadîm üzre nalbur ustaları mismâr kat‘ edicilere mismâr kat‘ için Samakov hâm demir verdiklerinde vezn edip verdikleri demirde noksan iktizâ eden demiri nalburlar kethüdâsı Abdurrahman Ağa dâ‘îleri çağırdılıp esnâf-ı merkūmun kat‘ eyledikleri hâm demiri çâşnileri tutulup, hakk-ı nârı aşağı varılıp ve demir-i merkūmun harc ve mesârifleri bir hoşca görülüp ve mismârcı tâifelerine fazla iktizâ eden ücretleri ile zikr olunur. Fî 29 Şevvâl sene [1]138. Zikr olunan on vakıyye Samakov demirinden mismâr kat‘ edicilerin harc ve mesârifi; Akçe Ücret-i yarmacı 33 Bahâ-i kömür 03,5 Hammâliyye-i kömür ve demir-i hâm 03 Kirâ-i duhân, ta‘âmiyye 09 Kıyye Ham demir-i Samakov 10 Yarıcılara noksan 01 09 Mismârcılar hîn-i kat‘da 01 08 Mismâr-ı ma‘lûl elvâh 2 kıyye, ve Zağra 2 kıyye ve Lofça 1 kıyye 05 Bâkī der zimmet kat‘-ı mismâr-ı sâfî 03 [Akçe] Mismâr-ı Lofça 3 kıyye, mismâr-ı ma‘mûr 5 kıyye teslîm-i nalburlar 84 [Peşin verilen ] 17 [Nalburların mismâr kat‘ edenlerde alacağı] 101 Harc-ı mesârif 65,5 Akçe-i matlûb-ı nalburân der zimmet-i kat‘-ı mismârcıyân 35,5 Mismâr kat‘ edicilerin harc ve sarfları aşağı varılıp kendilere yalnız otuz beş buçuk akçe ücret kaldı. [21b] Mismâr kat‘ edicilerin çâşnileri nalburlar kethüdâsı Abdurrahman Ağa dâ‘îleri ve mismâr kat‘ ediciler kethüdâsı Hızır Beşe kulları çağırdılıp çâşnileri görülüp on vakıyye Samakov demiri merkūm kat‘ edicilere nalbur tâifeleri verip zikr olunan on vakıyye demirden bir vakıyyesi yarıcılara kesr ve noksan olup ve mismâr kat‘ olundukda bir vakıyyesi dahi noksan hakk-ı nâr olup iki vakıyye aşağı varıldıkda sahhü’l-bâkī mezkûr kat‘ edicilerde sekiz vakıyye mismâr demir kalıp, mismâr ve sekiz vakıyye ma‘lûl mismârdan iki vakıyye tahta mismârı ve iki vakıyye Zağra ve bir vakıyye Lofça mismâr ki yalnız beş vakıyye ma‘lûl mesâmîri merkūm kat‘ edenlere demir ashâblarına verip mezkûr kat‘ ediciler zimmetlerinde yalnız üç vakıyye mismâr-ı Lofça kalır buhesâb üzre nalburlar tâifelerinin zimmetlerinde üç vakıyye mismâr bahâsı seksen dört akçe ve on yedi akçede peşin verdikleri akçe ile yüz bir akçe nalburların mismâr kat‘ edenlerde alacağı iktizâ edip ve mezkûr mismâr kat‘ edicilerin harc ve masrafları yalnız altmış beş buçuk akçe edip zimmetlerinde olan yüz bir akçesi verilip kendilerine on vakıyye Samakov demirinde ba‘de’l-harc ve mesârif otuz beş buçuk akçe ücret kalır ma‘lûm-ı devletleri oldukda cenâb-ı sa‘âdetleri a‘lemdir. Bende; Mehmed Ser-mi‘mârân-ı hâssa hâlâ.