İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 137 Hüküm no: 76 Orijinal metin no: [22a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mısır’dan getirilen keten çeşitleri ve narhı İ‘lâmı mûcebince amel ve hilâfına hareket edenler men‘ olunmak deyû. Keten i‘lâmı Ma‘rûz-ı dâ‘î-i devletleridir ki İşbu sene-i mübârekede diyâr-ı Mısır’dan keten getiren tüccâr tâifesinin mahmiye-i İstanbul’a getirdikleri ketenlerinin asl-ı sermâyeleri ve Mısır’dan İstanbul’a gelince resm-i gümrükleri ve navl-ı sefîneleri ve mesârif-i lâzımeleri ehl-i vukūf ma‘rifetleriyle ba‘de’l-ihrâc, İstanbul’da merhûm ve mağfûrun-lehâ Vâlide Sultân-ı Atîk çarşısı’nda olan ketencilere onu on bir hesâbınca fâide zam ile bey‘a ve ketenci tâifesi dahi ba‘de’l-iştirâ zikr olunan ketenlerin tathîri ve mehâzinde meks ile noksanı ve ücret-i hammâliyyesi birer akçeye bâliğ olmağla mârrü’z-zikr birer akçe ve kendilere cihet-i ma‘îşet ikişer akçe asl-ı mâla zam ile âmme-i ibâdullâha bey‘ etmek üzre cümle muvâcehelerinde verilen narh-ı cârîden ziyâde bir akçe ve bir habbe alınmayıp işbu narh-ı cârîleri düstûrü’l-amel kılınmak üzre keten getiren tüccâr tâifesi ve sûk-ı mezbûrda olan ketenci tâifesine bu dâ‘îleri tenbîh-i ekîd ile tenbîh ettikde, onlar dahi kabûl ve ber vech-i muharrer ziyâdeye bey‘ etmemek üzre birbirlerine tekeffül eyledikleri tescîl-i şer‘î ve huzûr-ı âlîlerine i‘lâm olundu. Emr ü fermân hazret-i veliyyü’l-emrindir. Fî 15 Şevvâl sene 1138. Mısr-ı Kahire’den mahmiye-i İstanbul’a gelen ketenin ecnâsı ve ber vech-i muharrer verilen narhlarıdır ki vech-i âtî üzre zikr olunur; Keten-i Feyyûm, 1 kıyye 30 Akçe Mısır’dan getiren tüccâr 30 akçeye bey‘, dükkâncı ibâdullâha 33 akçeye bey‘ [ede] Keten-i a‘lâ batman-ı üskülîsi, 1 kıyye 30 Akçe Mısır’dan getiren tüccâr 30 akçeye bey‘, dükkâncı ibâdullâha 33 akçeye bey‘ [ede] Keten kantar-ı üskülîsi, 1 kıyye 30 Akçe Mısır’dan getiren tüccâr 30 akçeye bey‘, dükkâncı ibâdullâha 33 akçeye bey‘ [ede] Ebûseyr ve Bulak bağlaması, 1 kıyye 30 Akçe Mısır’dan getiren tüccâr 30 akçeye bey‘, dükkâncı ibâdullâha 33 akçeye bey‘ [ede] Keten mikrâs bağlaması, 1 kıyye 24 Akçe Mısır’dan getiren tüccâr 24 akçeye bey‘, dükkâncı ibâdullâha 27 akçeye bey‘ [ede] Keten resîd batmanı, 1 kıyye 19 Akçe Mısır’dan getiren tüccâr 19 akçeye bey‘, dükkâncı ibâdullâha 22 akçeye bey‘ [ede] Kara keten, 1 kıyye 19 Akçe Mısır’dan getiren tüccâr 18 akçeye bey‘, dükkâncı ibâdullâha 21 akçeye bey‘ [ede] A‘lâ Kıbtî üskülüsü keten, 1 kıyye 36 Akçe Tüccâr bey‘ edeceği 36 [akçe], dükkâncı ibâdullâha 41 akçeye bey‘ ede. Diyâr-ı Mısır’dan mahmiye-i İstanbul’a [gelen] keten tüccâr tâifesidir ki ale’l-esâmî zikr olunur; Edirneli el-Hâc Ali el-Hâc Mehmed Sarı Hacı Abdullah Abâdi Hacı Süleyman Hacı Âşur Limonsucu Hacı Ali Hacı Mehmed Keresteci Hacı İsmail İzmirli el-Hâc İsmail Sarı Hacı Hasan Kazanasmaz Çerağī Hacı Osman Uzun Hacı Ahmed Kara Hacı Mustafa Giridli Hüseyin Macar Hacı Yusuf Şeyh Ömer Hacı Ömer Sûk-ı cedîd’de olan ketenci tâifesidir ki ale’l-esâmî zikr olunur; Ketenciler Kethüdâsı Ömer Yiğitbaşı Hacı Hasan Hacı Süleyman Hacı Ahmed Seyyid Hacı Ahmed Keresteci Hacı Ali Karamürselli Hacı Mustafa Hacı Hasan Hacı Yusuf Hacı Hüseyin Hacı Süleyman Es-Seyyid Hacı Mehmed Hacı Ali Hacı Yusuf Ali Beşe Hacı Mustafa Hacı Mehmed Hacı Ahmed Gürcü Hasan Hacı İsmail Hacı Sâlih oğlu Mehmed Hacı Ahmed Hacı Ebûbekir Ali Çelebi Hasan Beşe Yusuf Beşe Mustafa Bey Hacı Osman Süleyman Çelebi Hacı Sâlih Hacı Yusuf Ömer Çelebi Mehmed Hoca Sarrâf el-Hâc İsmail Gürcü Hacı Edhem Ali Çelebi Mustafa Çelebi Küçük Ahmed Cebeci Ali Çelebi Çolak Hacı Hasan Zeyrekli Sâlih Süleyman b. Mustafa Ali Hoca Bodur Hasan Hınnâcı Abdullah Himmetzâde Hacı İsmail Üsküdarlı Mehmed Hacı Yusuf Baba Haydar Beşiktaşî Osman Örümcek Abdullah Bâlâda tahrîr olunan narh-ı cârîleri üzre bey‘ için zikr olunan tüccâr tâifesi birbirlerine ve ketenci tâifesi dahi tekeffül eyledikleri bu mahalle şerh verilip cümlesine kethüdâları kefîl olmuşdur.