İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 140 Hüküm no: 79 Orijinal metin no: [22b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kayıkların cinsine göre alacağı yolcu sayısı ile yolculardan alınacak ücret Kayıkçı ücreti Ma‘rûz-ı dâ‘î-i devletleridir ki Beşiktaş ve Ortaköy iskelelerinde olan bi’l-cümle kayıkçı tâifesi meclis-i şer‘a ihzâr olunup zikr olunan iskelelerden İstanbul’a ve İstanbul’dan sâlifü’z-zikr iskelelere gidip gelen bir çifte kayık dolmuş ederse altı âdem ala ve iki çifte kayık dolmuş ederse on âdem ala her bir âdemden ikişer akçe ücret alınıp, bundan ziyâde âdem ve ücret alınmayıp ibâdullâhı ızrâr ve iz‘âc etmemek üzre beynlerine narh ve nizâm verilip mezbûrlar dahi râzı ve müte‘ahhidler olup birbirlerine tekeffül eylediklerinden sonra cümlesine dahi kethüdâları Mustafa Beşe kefîl olduğu tescîl-i şer‘î olundu. Lâkin tâife-i mezkûrenin ekseri bostaniyân-ı hâssadan olmalarıyla nizâm-ı mezkûre adem-i itâ‘atden nâşî bâ‘is-i ihtilâl olmamak için izzetlü bostancıbaşı ağaya hitâben fermân-ı âlîleri olursa nizâm-ı mezkûrun intizâmına bâ‘is olduğu ma‘lûm-ı devletleri oldukda, fermân men lehü’l-emrindir. Fî 12 Zilka‘de sene [1]138.