İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 200 Hüküm no: 120 Orijinal metin no: [36b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Tulumbacı şeridi işleyen yirmi yahudinin Abdürrahim b. Sâlih’i kethüdâ seçtikleri İstanbul kadısı fazîletlü Efendi tulumbacıbaşıyı getirip intâk? ve iktizâsı ne vechile ise i‘lâm eyleyesiz deyû buyruldu. Ma‘rûz-ı dâ‘îleridir ki İstanbul’da tulumbacı şeridi işleyen Yahûd tâifesinden olup isimleri cerîdede mazbût yirmi nefer yahudi meclis-i şer‘a gelip hâlâ bizim kethüdâmız olmayıp ve cümlemiz Yahûd olmağla taraf-ı saltanat-ı aliyye’den sâdır olan fermân-ı cihân-mutâ‘ları icrâya ve beynimizde vâki‘ olan nizâ‘ımızı temyîze ve bi’l-cümle umûrumuzu kemâ yenbağī mürâ‘âta üzerimize bir müslim kethüdâ nasb ve ta‘yîn olunmak lâzım ve mühim ve işbu Abdurrahim b. Sâlih her vech ile ahvâlimize muttali‘ ve kethüdâlık-ı mezbûr uhdesinden gelmeğe kādir olmağla üzerimize kethüdâ ihtiyâr eyledik dedikleri tescîl olundu. Fî selhi Zilka‘de sene [11]38.