İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 213 Hüküm no: 134 Orijinal metin no: [40b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Narlıkapı dışındaki yıkayıcıların nizamları ve isimleri Bâ sah İ‘lâmı mûcebince fîmâ ba‘d işbu şurût-ı nizâm ale’d-devâm düstûrü’l-amel tutulup hilâfına hareket ettirilmeye deyû buyruldu. Defter oldur ki İstanbul’da Narlıkapı hâricinde vâki‘ kassâr tâifesidir ki ale’l-esâmî ber vech-i âtî zikr olunur Fi’l-yevmi’s-sâbi‘ ve’l-ışrîn min Zilhicceti’ş-şerîfe li sene semân ve selâsîn ve mi’e ve elf. Kethüdâ Hüseyin Beşe ve şerîki Mustafa Kassâr Mustafa Beşe b. Mehmed Kassâr Mıgırdiç v. Haçuk Kassâr Kirkor v. Asvador Kassâr Sahak v. Toros Kassâr Kirkor v. Avadik Kassâr Nursiz v. Sekyas Kassâr Bağdasar v. Nursiz Kassâr Manol v. Haçador Bâlâda tahrîr olunan kassârlar amele makūlesinden olmalarıyla tüccârdan ve sâir kimesnelerden aldıkları metâ‘ı ücret-i ma‘lûme ile gereği gibi pâk kassârlayıp gadr ve te‘addî ve tecâvüz etmemek üzre birbirlerine kefîl ve kethüdâları dahi mezbûrûna kefîl olup bu vech üzre beynlerinde nizâm verilip fîmâ ba‘d nizâm-ı mezkûr düstûrü’l-amel olmak üzre kavl ü ittifâk ve ahd [ü] mîsâk etmeğin, mûcebince fermân-ı âlî iltimâs ettikleri huzûr-ı âlîlerine i‘lâm olundu. Fermân men lehü’l-emrindir.