İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 263 Hüküm no: 171 Orijinal metin no: [54a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Teknecilerden Nuh b. Himmet’e tekne satışında yolsuzluk yapmaması tembihi Ma‘rûz-ı dâ‘î-i devletleridir ki Mahmiye-i İstanbul’da tekneci tâifesinin kethüdâları Mehmed b. Süleyman, yiğitbaşı Süleyman b. Mehmed ve san‘at-ı mezbûre ustalarından Ali b. Abdurrahman ve Osman b. Mustafa ve Mehmed b. Receb ve Ali Mehmed ve Ahmed b. İbrahim meclis-i şer‘de mahmiye-i mezbûrede Zincirlikuyu kurbunda sâkin Nuh b. Himmet mahzarında bizim nizâm-ı kadîmimiz taşradan metâ‘ımız olan tekne geldikde kethüdâ ve ustalar ma‘rifetiyle iştirâ ve cümleye tevzî‘ olunup onlar dahi narh-ı cârî üzre ibâdullâha bey‘ edip hafiyyeten iştirâ ve der mahzen ve ihtikâr ve ziyâde bahâ ile ibâdullâha bey‘ bâ fermân-ı âlî memnû‘ olup ve mezbûr Nuh’a bi’d-defe‘ât tenbîh dahi olunmuşiken itâ‘at etmeyip, hilâf-ı fermân ve mugāyir-i nizâm metâ‘ımız olan hafiyyeten alıp der mahzen ve ihtikâr ve narh-ı cârîden ziyâde bahâ ile ibâdullâha bey‘ eder deyû teşekkî ettiklerinde mezbûr Nuh dahi ikrâr ve i‘tirâf etmekle, mezbûr Nuh’a hilâf-ı fermân metâ‘-ı mezbûre müdâhale ve bâ‘is-i ihtilâl olmamak üzre taraf-ı şer‘den tenbîh olundu. El-emru li men lehü’l-emr. Fî 18 Safer sene [1]139. Cera’l-emru hasbemâ zükire fîh Kethüdâzâde.