İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 280 Hüküm no: 193 Orijinal metin no: [59a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstanbul, Galata, Üsküdar ve Eyüp’teki nalça kesici ve mıhlayıcılara İbrahim b. Mehmed’in kethüdâ tayini Hasbiyellah Sadere’n-nasbü ve’t-tevcîh mine’l-abdi’l-fakīr ileyhi sübhânehû azze şânühû Kethüdâzâde Mehmed el-kadı bi Dâri’s-saltanati’l-aliyye -ufiye anhu- Mahmiye-i İstanbul’da ve mahrûse-i Galata ve Medîne-i Üsküdar ve hazret-i Ebâ Eyyûb el-Ensârî’de vâki‘ na‘lça kesici ve mıhlayıcı tâifesinin mukaddemâ kethüdâları olup hâlâ umûr-ı narh-ı cârîyi icrâ ve nizâm-ı hâllerini kemâ-yenbağī mürâ‘ât ve ikāmet için müceddeden kethüdâ nasb ve ta‘yîn olunmak lâzım ve mühim ve işbu râfi‘ü’l-kitâb İbrahim b. Mehmed her vechile mahall ü müstahık olduğu sikāt ihbârlarıyla müte‘ayyin olmağla mezbûr el-Hâc İbrahim hizmet-i mezbûra ta‘yînle nizâm-ı hâl ve umûr-ı narh-ı cârîyi icrâ için savb-ı şer‘den müceddeden kethüdâ nasb ve ta‘yîn olundukda ol dahi kabûl ve hizmet-i lâzımesin kemâ-yenbağī edâya ta‘ahhüd ve iltizâm etmeğin, mâ hüve’l-vâki‘ bi’t-taleb ketb olundu. Fî 18 min Saferi’l-hayr sene [1]139. Şuhûdü’l-hâl: Mehmed Ağa b. Mehmed Kethüdâ, Sâlih Çelebi b. Süleyman, Mehmed Çelebi b. Abdullah, Eyyûb b. Mehmed.