İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 281 Hüküm no: 195 Orijinal metin no: [59b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bal mumcu Sidri’nin nizamlara aykırı hareket ettiğinden cezalandırıldığı Ma‘rûz-ı dâ‘î-i devletleridir ki Mahmiye-i İstanbul’da Balmumcu tâifesinin kethüdâsı Abdülbâkī ve ihtiyârlarından cemm-i gafîr meclis-i şer‘de mahrûse-i Galata’da balmumcu olan Sidri nâm zimmî mahzarında kadîmü’l-eyyâmdan ilâ hâze’l-ân taşradan Galata gümrüğüne gelen ve sâir mahallere gelen şem‘-i aseli narh-ı cârî üzre cânib-i mîrî için matbah emîni tarafından kifâyet mikdârı alındıkdan sonra mâ‘adâsını kethüdâ ve ihtiyârlar ma‘rifetleriyle esnâfımıza tevzî‘ olunup hafiyyeten ahz ve der mahzen ve ihtikâr şer‘an ve kānûnen memnû‘ iken mezbûr Sidri zimmî hilâf-ı fermân ve mugāyir-i nizâm hafiyyeten alıp narh-ı cârîden ziyâde bahâ ile bey‘ eder deyû teşekkî ettiklerinden, mezbûr zimmî taraf-ı şer‘den ta‘zîr ve te’dîb olundukdan sonra mezbûrun her hâline kâğıdçılarbaşı Mehmed kefîl olduğu tescîl-i şer‘î olundu. El-emru li men lehü’l-emr. Fî 6 Rebî‘ilevvel sene [1]139.