İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 285 Hüküm no: 200 Orijinal metin no: [60b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstanbul, Galata ve Üsküdar’da seccade kilimi dokuyanların nizamı ve isimleri Bâ sah İşbu verilen nizâm düstûrü’l-amel kılınıp hilâfından tevakkī eyleyeler deyû buyruldu. Defter oldur ki İstanbul ve tevâbi‘ ve Galata ve Üsküdar’da vâki‘ seccâde kilimi dokuyan hırfetdir ki ale’l-esâmî zikr olunur. Kethüdâ es-Seyyid Ali Çelebi destgâh aded 3 Yiğitbaşı Mustafa Çelebi destgâh aded 2 el-Hâc Yusuf b. Abdullah destgâh aded 3 Es-Seyyid Ahmed Bağdâdî destgâh aded 2 Diğer el-Hâc Yusuf destgâh aded 2 Mustafa b. Abdullah destgâh aded 2 Es-Seyyid Osman destgâh aded 1 Nişo zimmî destgâh aded 2 Abdo zimmî destgâh aded 2 Tomac zimmî destgâh aded 2 Abdülmesih zimmî destgâh aded 2 Aleksan zimmî destgâh aded 1 Hindi zimmî destgâh aded 1 Şemas zimmî destgâh aded 1 Serkis zimmî destgâh aded 1 Sekyas zimmî destgâh aded 1 Kazar zimmî destgâh aded 1 Filibos zimmî destgâh aded 1 Bâlâda tahrîr olunan on sekiz usta ve cümle ittifâkıyla herkesin yedlerinde mevcûd olan yirmi dokuz destgâhdan ziyâde ve noksan olmayıp gerek müslim ve gerek zimmî içlerinden biri fevt oldukda yedinde mevcûd destgâhları evlâdına, yoğise kethüdâ ve cümle ma‘rifetiyle halîfelerinden bir müstahakkına ve müstahık halîfe dahi yok ise yedinde olan destgâhları kethüdâ ve cümle ma‘rifetiyle ustalarından ziyâde destgâha muhtâc ustaların destgâhlarına zam olunup ve târih-i defterden dört sene tamâmına değin yedlerinde hâllerine göre mevcûd bulunan şâkirdlerinden mâ‘adâ şâkird almayıp ve sırmalı ağır kesme dokumak mezbûr Nişo zimmînin müstakillen kendi îcâd ve san‘atı olmağla kimesne işlemeyip, ancak kendiye mahsûs olmak üzre her biri ta‘ahhüd ve kavl ü karâr ve birbirlerine kefîl olduklarından sonra cümlesine dahi kethüdâları mezbûr es-Seyyid Ali kefîl olup ber minvâl-i muharrer işbu nizâm düstûrü’l-amel kılınıp hilâfıyla hareket olunmamak bâbında fermân-ı âlî iltimâs ettikleri huzûr-ı âlîlerine i‘lâm olundu. Fermân men lehü’l-emrindir. Fî 5 şehri Rebî‘ilevvel sene [1]139.