İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 322 Hüküm no: 239 Orijinal metin no: [71a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstanbul’daki kadayıfçıların nizamı ve isimleri Bâ sah İşbu verilen nizâm düstûrü’l-amel kılınıp fîmâ ba‘d hilâfına vaz‘ u hareketden ziyâde ihtirâz oluna deyû buyruldu. Mahmiye-i İstanbul’da vâki‘ kadayıfçı tâifesinin kethüdâları ma‘rifetiyle tahrîr olunan defterdir ki ber vech-i âtî ale’l-esâmî zikr olunur. Fi’l-yevmi’s-sâbi‘ ve’l-ışrîn min şehri Rebî‘ilevvel li sene tis‘a ve selâsîn ve mi’e ve elf. Sultân Mehmed câmi‘-i şerîf kurbunda kethüdâ Osman Beşe Ali Paşa’da el-Hâc Ömer b. el-Hâc Ahmed Karaman’da Kolluk kurbunda Emir Ali b. Mehmed Ma‘cûncu çarşısında el-Hâc Mustafa Karagümrük kurbunda Emir Mehmed b. Mustafa Sultân Selim kurbunda es-seyyid Mehmed b. Ömer Küçük Mustafa Paşa’da es-Seyyid Hüseyin b. Mehmed Avratpazarı’nda el-Hâc Receb b. Selim Küçükpazar’da Süleyman b. Kasım Hocapaşa’da es-Seyyid Mehmed b. Hacı Ahmed Kantarcılar içinde Hacı Ömer b. Hacı Ahmed Şehzâdebaşı’nda olan el-Hâc İsmail b. el-Hâc Mehmed Ayasofya câmi‘i karşısında es-Seyyid Mehmed b. Hızır Def‘a Ayasofya’da Abdüllatîf b. Mehmed Def‘a Ayasofya’da el-Hâc Mustafa b. Ali Nahılbend’de el-Hâc Mustafa b. Ali Davudpaşa’da el-Hâc Ali b. Hacı Mehmed Dikilitaş’da el-Hâc Muharrem b. Hacı Mustafa Parmakkapı’da el-Hâc Muharrem b. el-Hâc Mustafa Sultan Bayezid kapısında el-Hâc Mehmed b. Abdülkerim [71b] Darbhâne önünde Musa Beşe b. Receb Sîmkeşhâne karşısında el-Hâc İsmail b. Ali Tahtakale’de olan Abdullah b. Hacı Hüseyin Aksaray’da Receb b. el-Hâc Kasım Bâlâda tahrîr olun kadayıfçı tâifesinin işledikleri kadayıfın beher vakıyyesini ikişer paraya ibâdullâha bey‘ oluna deyû taraf-ı şer‘den mezbûrâna tenbîh olundukdan sonra tâife-i mezbûre dahi meclis-i şer‘de ba‘de’l-yevm işledikleri kadayıfı pâk işleyip ve dükkânlarında ateşi muhâfaza üzre olup ve narh-ı mezkûrdan ziyâde bahâ ile ibâdullâhı ızrâr etmemek üzre her biri ta‘ahhüd ve ittifâk etmeleriyle tâife-i mezbûrun mecmû‘u birbirlerine kefîl ve cümlesine dahi kethüdâları olan Osman kefîl olup bu vech üzre beynlerinde nizâm verilmeğin nizâm-ı mezkûr düstûrü’l-amel olup hilâfıyla hareket olunmamak bâbında hükm-i hümâyûn recâsında oldukları huzûr-ı âlîlerine i‘lâm olundu. Bâkī fermân hazret-i veliyyü’l-emrindir.