İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 323 Hüküm no: 240 Orijinal metin no: [71b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zindankapısı kurbunda bulunan kebecilerin isimleri Bâ sah Mûcebince işbu nizâm düstûrü’l-amel kılınıp hilâfında hareketden tevakkī eyleyeler deyû buyruldu. Mahmiye-i İstanbul’da Zindankapısı kurbunda vâki‘ kebeci tâifesinin kethüdâları ma‘rifetiyle ve ma‘rifet-i şer‘le ale’l-esâmî tahrîr olunan defterdir ki ber vech-i âtî zikr olunur. Kethüdâ Kirkor v. Ovanes Delvet v. Bedros Sarga v. İlbat Bogos v. Ovanes Aysa? v. ( ) Manol v. ( ) Agob v. Kazar Elmiya v. ( ) Kigork v. Soga Ovanes v. ( ) Vartan v. Yoseb Eremya v. Yoseb Hürmüz v. İsayi Zakarya v. Bedros Kestostor v. ( ) Maksor v. Karok Avadik v. ( ) Bâlâda isimleri tahrîr olunan kebeci tâifesi taşradan metâ‘ları gelip tevzî‘ olunmak iktizâ ettikde kethüdâ ve yiğitbaşı ve sâirleri bir yere cem‘ olup cümle ma‘rifeti ile tevzî‘ ve taksîm ve herkese hâline göre hisse verilip içlerinden bir ferd bâzirgândan hafiyyeten ahz etmemek üzre birbirlerine kefîl, cümlesine dahi kethüdâları merkūm Kirkor kefîl olup bu vech üzre beynlerine nizâm verildikden nizâm-ı mezkûr düstûrü’l-amel olmak bâbında hükm-i hümâyûn iltimâs eyledikleri huzûr-ı âlîlerine i‘lâm olundu. Bâkī fermân hazret-i veliyyü’l-emrindir. Fî 24 min Rebî‘ilevvel sene [1]139.