İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 362 Hüküm no: 268 Orijinal metin no: [81b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eğrikapı, Eyüp ve Defterdar İskelesi’ndeki çeyrekçi selhanelerinde çalışanların isimleri Bâ sah Fîmâ ba‘d işbu şurût-ı nizâm ale’d-devâm mer‘î ve mukayyed tutulup düstûrü’l-amel olmak üzre İstanbul kadısı fazîletlü Efendi’nin sicillâtına kayd ve bir sûreti izzetlü yeniçeri ağası tarafına verilip hîn-i iktizâda kırâat olunmak deyû buyruldu. 5 Ramazân sene [1]140. Zikr-i âtî husûsun nizâmları sâdır olan fermân-ı âlî mûcebince bu fakīre havâle buyurulmağın, imtisâlen-lehû dergâh-ı âlî -dâme mahfûfen bi’l-avni’r-Rabbânî- yeniçerileri orta çavuşu olan fahrü’l-eşbâh Mahmud Çavuş ile ma‘an Yedikule hâricinde hâlâ kasablar kethüdâsı olan fahrü’l-eşbâh Mehmed Kethüdâ’ya mahsûs odaya varıp akd-i meclis olundukda emâkin-i müte‘addidede vâki‘ çeyrekçiyân selhhânelerinin ricâli mahall-i mezbûra ihzâr ve keyfiyyet-i ahvâlleri ba‘de’t-tefahhus mecmû‘unun esâmîleridir ki kethüdâları olan Ali Kethüdâ b. Mustafa ma‘rifetiyle tahrîr olundu. Fi’l-yevmi’s-sâbi‘ min Şa‘bâni’l-mu‘azzam li sene erba‘în ve mi’e ve elf. Devletlü sa‘âdetlü Hatice Sultan hazretlerinin sâfet-i mülkleri ile iktisâb-şeref eden emlâk-i âliyeleri mülhakātından olup Eğrikapı hâricinde kethüdâ-yı mezbûr Ali Kethüdâ’nın ve Mustafa b. Mehmed ve Osman b. Hüseyin’in ber vech-i iştirâk taht-ı icârelerinde olan çeyrekçi selhhânesinin ricâlidir ki kethüdâ-yı mezbûr ma‘rifetiyle tahrîr olundu. Yazıcı Mustafa b. Ali Kalfa Peso zimmî Gılmânân-ı kasab; Kiro zimmî Hristo zimmî Yanaki zimmî Ciğercileridir; Ahmed Hasan Diğer Hristo zimmî Kolo zimmî Petro zimmî Yano zimmî Velo zimmî Mezbûrûndan her biri âhara ve kethüdâları mezbûr Ali mezbûrûnun mecmû‘una kefâleti tescîl olundu. Sultân-ı müşârün-ileyhâ -en‘amallâhu cezîle ni‘amihî aleyhâ- hazretlerinin kezâlik emlâk-i âliyeleri mülhakātından olup mârrü’z-zikr Eğrikapı hâricinde Bostancı Osman b. Ömer ve İsmail b. Mehmed’in taht-ı icârelerinde olan çeyrekçi selhhânesinin ricâlidir ki mezbûr Ali Kethüdâ ma‘rifetiyle tahrîr olundu. Yazıcı Kostantin zimmî Kalfa Tanaş zimmî Gılmânân-ı kasab; İstani zimmî Dimitri zimmî Ciğercileridir; Saka zimmî Yano zimmî Venço zimmî Velo zimmî Mezbûrûndan her biri âhara ve mezbûr Ali Kethüdâ mezbûrûnun mecmû‘una kefâleti tescîl olundu. Sultân-ı müşârün-ileyhâ hazretlerinin kezâlik emlâk-i âliyeleri mülhakātından olup mârrü’z-zikr Eğrikapı hâricinde Hoca Abdurrahman b. el-Hâc Ebûbekir ve Halil b. Mehmed’in ber vech-i iştirâk taht-ı icârelerinde olan çeyrekçi selhhânesinin ricâlidir [ki] mezbûr Ali Kethüdâ ma‘rifetiyle tahrîr olundu. Yazıcı Hüseyin Kalfa Yorgaki zimmî Gılmânân-ı kasab; Yanaki zimmî Dimitri zimmî Kostantin zimmî Ciğercileridir; Murad Mustafa Saka zimmî Kolo zimmî Panayot zimmî Dimo zimmî Mezbûrûndan her biri âhara ve mezbûr Ali Kethüdâ mezbûrûnun mecmû‘una kefâleti tescîl olundu. el-Hâc Ali b. Mustafa ve Ahmed b. Süleyman ve Ali b. Abdurrahman’ın ber vech-i iştirâk mülkleri olup hazret-i Ebâ Eyyûb Ensârî iskelesinde vâki‘ çeyrekçi selhhânesinin ricâlidir ki mezbûr Ali Kethüdâ ma‘rifetiyle tahrîr olundu. Yazıcı Tedo zimmî Sâyıcı Lenid zimmî Gılmânân-ı kasab; Anastas zimmî Ciğercileridir; Hristo zimmî Kolo zimmî Üstüyan zimmî Mehmed Mezbûrûndan her biri âhara ve mezbûr Ali Kethüdâ mezbûrûnun mecmû‘una kefâleti tescîl olundu. Mârrü’z-zikr Eğrikapı hâricinde el-Hâc Hüseyin mülkü olup Ali Beşe b. Mustafa’nın taht-ı icâresinde olan çeyrekçi selhhânesinin ricâlidir ki mezbûr Ali Kethüdâ ma‘rifetiyle tahrîr olundu. Yazıcı Andon zimmî Gulâm-ı kasab; Ahmed Apostol zimmî Ciğercileridir; Yani zimmî Hristo Üstüyan zimmî Tanaş zimmî Mezbûrûndan her biri âhara ve mezbûr Ali Kethüdâ mezbûrûnun mecmû‘una kefâleti tescîl olundu. Es-Seyyid Mehmed b. Ali Bey’in taht-ı icâresinde olup Defterdâr iskelesinde vâki‘ çeyrekçi selhhânesinin ricâlidir ki mezbûr Ali Kethüdâ ma‘rifetiyle tahrîr olundu. Yazıcı Kosta zimmî Gulâm-ı kasab; Dimitri zimmî Ciğercileridir; Tanaş zimmî Kolo zimmî Dimo zimmî Mezbûrûndan her biri âhara ve mezbûr Ali Kethüdâ mezbûrûnun mecmû‘una kefâleti tescîl olundu. Mârrü’z-zikr Eğrikapı hâricinde Süleyman nâm kimesnenin mülkü olup Mehmed Beşe b. Hasan ve Sâlih ve Kara Ahmed ve Seyyid Mustafa’nın ber vech-i iştirâk taht-ı icârelerinde olan çeyrekçi selhhânesinin ricâlidir ki mezbûr Ali Kethüdâ ma‘rifetiyle tahrîr olundu. Yazıcı es-Seyyid Osman Kalfa Koli zimmî Gılmânân-ı kasab; Mehmed Pano zimmî Ciğercileridir; Hristo zimmî Kolo zimmî Dimo zimmî Mezbûrûndan her biri âhara ve mezbûr Ali Kethüdâ mezbûrûnun mecmû‘una kefâleti tescîl olundu. Mârrü’z-zikr Defterdâr iskelesinde vâki‘ el-Hâc Hüseyin b. Mehmed ve Osman’ın ber vech-i iştirâk taht-ı icârelerinde olan çeyrekçi selhhânesi ricâlidir [ki] kethüdâ-yı mezbûr ma‘rifetiyle tahrîr olundu. Mehmed Yazıcı Kalfa Pano zimmî At oğlanı Hristo zimmî Kasab oğlanı Yanaki Ciğercileridir; Korho zimmî Kosta zimmî Hasan Mezbûrûndan her biri âhara ve mezbûr Ali Kethüdâ mezbûrûnun mecmû‘una kefâleti tescîl olundu. [82a] Bâlâda mastûrü’l-esâmî çeyrekçi ustalarının selhhâneleriyle isimleri tahrîr olunan ricâlleri fîmâ ba‘d kendi hâlleriyle olup hilâf-ı şer‘ mugāyir-i fermân-ı âlî birinden bir kabâhat ve bir cinâyet sâdır olup firâr ve gaybet eylediği sûretde şer‘an ve örfen üzerine lâzım gelen cezâ ile mecmû‘u muâheze olunup içlerinden bir eşkıyâ zuhûr etmek ihtimâli olursa hükkâma i‘lâm ve teslîme her biri kavl ü ittifâk ve ahd ü mîsâk edip meclis-i ma‘kūd-ı mezkûrda her biri âhara kefîl ve kethüdâları mezbûr Ali mezbûrûnun mecmû‘una kefîl olduğu bu mahalle şerh verildi.