İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 75 Hüküm no: 13 Orijinal metin no: [4-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütüncü Osman’a olan borcunu ödemesi hususunda Attar Mustafa’ya tehbih olunması Duhân semeni Ma‘rûz, Mahmiye-i İstanbul mahâllâtından Debbâğzâde mahâllesinde sâkin Duhânî es-Seyyid Osman b. Halil meclis-i şer‘-i hatîrde Attâr es-Seyyid Mustafa b. Ömer mahzarında mezbûr es-Seyyid Mustafa zimmetinde bundan akdem yedimden iştirâ ve kabz eylediği duhân semeninden bâkī on yedi buçuk guruş dört para hakkımı hâlâ mezbûr es-Seyyid Mustafa’dan taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mezkûr on yedi [5] buçuk guruş dört paranın edâsıyla mezbûr es-Seyyid Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 17 Receb sene 1179.