İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 81 Hüküm no: 22 Orijinal metin no: [8-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul’a buğday getiren esnafa olan borçlarını ödemeleri hususunda ekmekçi esnafına tenbihte bulunulması Zahîre celb eden Kapan ahâlîsine deynleri olan habbâz tâifesine edâya tenbîh. Ma‘rûz, Sâdır olan fermân-ı âlîlerine imtisâlen zahîre celb eden Kapan ahâlîsine zimmetleri olan habbâz tâifesi meclis-i şer‘-i şerîfe ihzâr olunup ahâlî-i mezbûrundan mazbûtü’l-esâmi kimesneler hâzır oldukları hâlde zahîre bahasından mezbûrûna deynlerin bir gün akdem edâya ihtimâm ve onlar dahi iskelelerde olan rüesâlarına ve yazıcılarına müstevfâ sermâye [9] irsâl ve havada i‘tidâl oldukça Alçaklar iskelelerinden peyderpey zahîre nakil eylemeleri için gereği gibi her birine tenbîh ve te’kîd ve mütenebbih olmayanların haklarından gelineceği ifâde olundukda vech-i meşrûh üzere habbâz tâifesi deynlerini edâda bundan sonra mümâtale etmeyip birkaç gün zarfında edâya ve ahâlî-i mezbûrûn dahi meclis-i şer‘de gelip düyûn-ı mezkûrelerini kabz ve istifâ-yı hak eylediklerini ikrâra ve ber-vech-i meşrûh iskelelere ve yazıcılarına sermâye ve i‘tidâl-i havada Alçaklardan zahîre nakline takayyüd ve ihtimâm etmek üzere ta‘ahhüd ve ittifâk eyledikleri ber-mûceb-i fermân-ı âlîşân huzûr-ı âlîlerine i‘lâm olundu. Fî 20 B sene 1179.