İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 115 Hüküm no: 62 Orijinal metin no: [31-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Uzunyusuf mahallesinde Ali İlyas Efendi’nin nesli kesilmiş olduğundan evlada meşruta vakfının mütevelliliğine Mehmed Efendi’nin tayin olunması Ali İlyas Vakfı’nın nesli münkariz olmağla âhara tevcîh Ma‘rûz, Derûn-ı arzuhâlde mezkûr mahmiye-i İslambol’da Uzun Yusuf mahâllesinde vâki‘ Ali İlyas nâm sâhibü’l-hayrın evlâdına meşrûta vakfının derkenâr olunduğu vech üzere aklâmda kaydı ve umûr-ı vakfı idâreye mütevellîsi olmayıp evlâd-ı vâkıf dahi münkariz olduğu mahâlle-i mezbûre ahâlîsinden İmam Vekîli Mehmed Efendi [32] ve Mustafa Sadık Efendi ve İsmail Ağa ve es-Seyyid eş-Şeyh Feyzullah Efendi ve es-Seyyid Abdullah ve Mehmed Çelebi ve İsmail nâm kimesneler ihbâr ve mütevellî nasb olunmak iktizâ etmeğin tevliyet-i mezkûreye ehil ve sâhib-i idâre olduğu kezâlik ihbâr olunan sâhib-i arzuhâl Mehmed Efendi b. el-Hâc Ali hasbî mütevellî nasb olunmağla müceddeden Küçük Evkāf’a kayd ve yedine berat-ı âlîşân ihsân buyrulması ber-mûceb-i emr-i âlî huzûr-ı âlîlerine i‘lâm olundu. Bâkī emr ü fermân hazret-i men-lehü’l-emrindir. Fî 24 Zilka‘de sene 1179.