İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 131 Hüküm no: 86 Orijinal metin no: [41-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer’in hapiste bulunan Mustafa’da olan alacağını taksitlendirmesi ve hapisten çıkartılmasını kabul etmesi Mukassatan edâya ta‘ahhüd, 36,5 [guruş] Ma‘rûz, Derkenârda mastûr olan medyûn Mustafa’nın dâyini el-Hâc Ömer mezbûr Mustafa zimmetinde mahkûmün-bih olan nühâs semeninden otuz sekiz guruşun elli parasını nakden alıp bâkī otuz altı buçuk guruş ve bir rub‘u târîh-i i‘lâm-ı şehrî gurresinden her ay tamâmında beşer guruş ve birer rub‘dan yedi ay tamâmına dek meclis-i şer‘-i şerîfde tecîl eyledikde mezbûr Mustafa dahi müddet-i mezkûre tamâmına dek deyn-i mezkûru edâya ta‘ahhüd ve deyn-i müeccel-i mezkûrun edâsına zevcesi hâzır bi’l-meclis Âişe ile karındaşı eş-Şeyh Ahmed kefil ve onlara dahi Kazgancıbaşı el-Hâc Ahmed b. Ali kefil ve kefâletleri tescîl olunmağla dâyin-i mezbûr el-Hâc Ömer medyûnu mezbûr Mustafa’nın fî-mâ-ba‘d hapisden ıtlâkını iltimâs eylediği huzûr-ı âlîlerine i‘lâm olundu. Fî 3 Zilhicce sene 1179.