İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 142 Hüküm no: 99 Orijinal metin no: [47-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karaman Cizyedarı Mehmed’in herhangi bir kötü hali olmayıp kendi işiyle meşgul olduğu Cizyedâr es-Seyyid Mehmed’in Hüsn-i hâlini ihbâr etmeleriyle i‘lâm. Ma‘rûz, Sâdır olan fermân-ı âlîye imtisâlen sâhib-i arzuhâl Karaman Cizyedârı es-Seyyid el-Hâc Mehmed’in mahâllesi olan Yenikapı kurbünde Aydın Kethüdâ mahâllesi ahâlîsinden meclis-i şer‘-i şerîfe hâzirûn olan İmam İbrahim Efendi ve Müezzin Musa Efendi ve el-Hâc Ahmed Efendi ve Mehmed Efendi ve eş-Şeyh Hasan Efendi ve Za‘îm Mustafa Ağa ve Kalem Kâtibi Mustafa Efendi ve diğer Mehmed Efendi ve Sipâhî Çavuşu Mustafa Ağa ve Sipâhî Ali ve Molla Fethullah ve el-Hâc Mustafa ve tüccârdan Ali Ağa ve el-Hâc Mehmed ve Kahveci İsmail nâm mevsûkü’l-kelim kimesnelerden [48] gereği gibi suâl ve keyfiyet-i hâli tefahhus ve istifsâr olundukda kendi hâlinde olup dâimâ ırzıyla mukayyed olmağla hilâf-ı şer‘-i şerîf bu âna gelince vaz‘ u hareketi meşhûd ve ma‘lûmumuz olmamışdır deyü hüsn-i hâlini ihbâr etmeleriyle alâ-vukū‘ihî ber-mûceb-i emr-i âlîşân huzûr-ı âlîlerine i‘lâm olundu. Fî 15 min-Zilhicceti’ş-şerîfe sene 1179.