İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 152 Hüküm no: 107 Orijinal metin no: [53-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arz sahibinin Ahmed ve Süleyman’a olan borçları taksitlendirildiğinden hapisten çıkarılması Ma‘rûz, Sâhib-i arzuhâlin dâyinlerinden arzuhâlinde mezkûr es-Seyyid Ahmed şa‘îr semeninden yetmiş altı guruş seksen akçe hakkını her şehr üçer guruşdan yirmi beş ay tamâmına değin ve Arpacı Süleyman yirmi dokuz buçuk guruşunu her şehr birer buçuk guruşdan yirmi ay tamâmına değin rızâlarıyla lede’l-murâfa‘a tecîl ve taksît eylediklerinde ol dahi müddet-i mezkûre tamâmına değin deyn-i mezkûrlarını mezbûrâna edâya ta‘ahhüd etmeğin sâhib-i arzuhâl-i mezbûrun hapisden ıtlâk olunmasını istid‘â eyledikleri iltimâslarıyla huzûr-ı âlîlerine i‘lâm olundu. Fî 19 Zilhicce sene 1179.