İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 156 Hüküm no: 115 Orijinal metin no: [56-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Deprem nedeniyle ağır hasar görerek yıkılmak üzere olduğu bildirilen Yeniçeri Ağası Mehmed’in evinde herhangi bir hasar olmadığı Ma‘rûz, Mahmiye-i İslambol’da Eski Odalar kurbünde Yeniçeri Ağası Mehmed Ağa hânesi demekle ma‘rûf hânenin arsasında keresteci Gülabioğlu tasarrufunda olan kârgîr odanın inhidâma meyli ve mârreye zarârı vardır deyü iştikâya binâen kıbel-i şer‘-i enverden mürsel Kâtib Ali Efendi dâ‘îleri ve mi‘mâr halîfelerinden Abdullah ve Hasan Halîfe mahâll-i mezkûra varıp mu‘âyene eylediklerinde mezkûr odanın inhidâma meyli olmayıp mârreye dahi kat‘â zarârı olmadığını mi‘mârân-ı merkūmân haber verdiklerini ba‘de’t-tahrîr huzûr-ı şer‘e gelip alâ-vukū‘ihî inhâ ve ihbâr eyledikleri bi’l-iltimâs huzûr-ı âlîlerine i‘lâm olundu. Fî 19 min-Zilhicceti’ş-şerîfe sene 1179.