İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 159 Hüküm no: 121 Orijinal metin no: [58-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hoca Dursun Vakfı’ndan olan Attar dükkânına dönüştürülen dükkânın tekrar berber dükkânı yapılması Keşf-i dükkân-ı berber der-kurb-ı Mahmudpaşa Ma‘rûz, Sâdır olan fermân-ı âlîye imtisâlen kıbel-i şer‘-i şerîf-i enverden husûs-ı âti’l-beyanın mahâllinde istimâ‘ ve tahrîri için keşif nâibimiz müderrisîn-i kirâmdan es-Seyyid Halil Efendi dâ‘îleri irsâl olunup, ol dahi mahmiye-i İslambol’da Mahmudpaşa Câmi‘-i şerîfi mahâllesinde vâki‘ Hoca Dursun Vakfı’ndan sâhib-i arzuhâl el-Hâc Mehmed’in tasarrufunda olan iki kepenk attâr dükkânına varıp huzûr-ı Müslimînde akdeylediği meclis-i şer‘-i şerîfde dükkân-ı mezbûr aslında berber dükkânı olup mezbûr el-Hâc Mehmed müsteciri talebiyle attâr dükkânı yapıp hâlâ sâbıkı üzerine berber dükkânı yapmak murâd etmekle dükkân-ı merkūm berber dükkânı olduğu takdîrce kimesneye zarârı olmadığını hâzirûn bi’l-meclis Berberler Şeyhi Yakub Çelebi ve Çavuşları Hayrullah ve Berber Mehmed Çelebi ve sâir cîrândan mahâlle imamı Feyzullah Efendi ve es-Seyyid İbrahim Efendi ve es-Seyyid Ali Çelebi ve Mehmed Ağa ve diğer Mehmed Çelebi ve Süleyman Ağa ve İbrahim Bey nâm kimesneler haber verdiklerini mezbûr dâ‘îleri mahâllinde tahrîr ve gelip inhâ eylediği bi’l-iltimâs huzûr-ı âlîlerine i‘lâm olundu. Fî 3 min-Zilhicce sene 1179.