İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 161 Hüküm no: 123 Orijinal metin no: [59-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Trabzonlu İsmail’in, Trabzonlu Süleyman aleyhindeki keten bezi davasında anlaşma sağlanması Altı denk keten bezi semeninden 80 guruşa sulh Ma‘rûz, Sâhib-i arzuhâl Trabzonlu İsmail meclis-i şer‘-i hatîrde yine Trabzonlu arzuhâlde mezkûrü’l-ism Süleyman’dan iki sene mukaddem Trabzon’da yedinden iştirâ ve kabz eylediği altı denk kara keten bezi semeninden bin iki yüz guruş hakkımı mezbûr Süleyman’dan taleb ederim deyü eylediği da‘vâsından bâ-vesâtet-i Müslimîn seksen guruş bedel-i makbûz mukābelesinde mezbûr Süleyman ile sulh olup ziyâde semen-i mezkûre müte‘allıka âmme-i da‘vâdan mezbûr Süleyman’ın zimmetini ibrâ, ol dahi bedel-i merkūm mutâlebesinden mezbûr İsmail’in kezâlik zimmetini ibrâ ve iskāt ve her biri ibrâyı kabûl ve kat‘-ı nizâ‘ eyledikleri mufassalan hüccet olunup bi’l-iltimâs huzûr-ı âlîlerine i‘lâm olundu. Fî 23 Zilhicceti’ş-şerîfe sene 1179.