İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 188 Hüküm no: 156 Orijinal metin no: [75-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Mustafa’nın, Yorgi v. Mihal’de olan alacağına kefil olan Dimitri’ye borcunu ödemesi hususunda tenbihte bulunulması Cihet-i kefâletden hukūk, 60 [guruş] Ma‘rûz, Hâmil-i arzuhâl Dimitraki’nin hasmı Kebeciler Hanı’nda sâkin es-Seyyid Osman b. es-Seyyid el-Hâc Mustafa Çarşamba günü dîvân-ı âlîlerinde ma‘kūd meclis-i şer‘-i hatîrde merkūm Dimitri muvâcehesinde yetmiş beş senesi Muharremi gurresinde han-ı mezkûrda işbu merkūm Dimitri’nin babası Yorgi v. Mihal’e malımdan altmış guruşa safka-i vâhide ile kabsız iki biniş cild kafa kürk nesîeten bey‘ ve teslîm eylediğimde semeni olan altmış guruşun edâsına merkūm Dimitri kefil ve zâmin oldukda [76] ben dahi kabûl etmekle hâlâ semen-i mezkûr altmış guruşu kefâletine binâen merkūm Dimitri’den taleb ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını lede’t-tezkiye udûlden oldukları han-ı mezkûrda vukūfu olan kimesnelerden istihbâr olunan Abdurrahman b. el-Hâc Mustafa ve es-Seyyid Veli b. İsmail nâm kimesneler şehâdetleriyle isbât etmeğin mûcebiyle semen-i mezkûr altmış guruşun bi-hükmi’l-kefâle edâsına merkūm Dimitri’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 11 Muharrem sene 1180.