İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 204 Hüküm no: 180 Orijinal metin no: [85-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Peyk Mehmed Ağa’nın komşusu Yorgancı İsmail’in menziline olan zararını gidermeyi taahhüt etmesi Avratpazarı kurbünde keşif Ma‘rûz, Sâdır olan fermân-ı âlîlerine imtisâlen savb-ı şer‘-i şerîf-i enverden irsâl olunan keşif nâibimiz müderrisîn-i kirâmdan es-Seyyid Halil Efendi dâ‘îleri Hâssa mi‘mârlarından Ahmed Halîfe ile Avratpazarı kurbünde Canbâziye mahâllesinde vâki‘ Canbaz Mustafa Bey Vakfı’ndan Peyk Mehmed Ağa b. Süleyman tasarrufunda olan menzile varıp akdeylediği meclis-i şer‘-i şerîfde menzil-i mezkûr civârında bir bâb menzile mutasarrıf olan arzuhâlde mezkûrü’l-ism Yorganî İsmail Çelebi b. Abdullah mezbûr Mehmed Ağa muvâcehesinde mezbûr Mehmed Ağa’nın işbu esnâda ta‘mîr ve binâ eylediği menzili sofasının muhdes pencerelerinden yine vakf-ı mezbûrdan tasarrufumda olan menzilimin makarr-ı nisvân olan [86] oda ve sofasına havâle zarârı olmağla def‘ eylesin deyü iddi‘âsına binâen nazar olundukda fi’l-vâki‘ zikr olunan muhdes pencerelerin müdde‘î-i mezbûrun menziline havâle zarârı olduğu zâhir oldukdan sonra beynlerinde müşterek olan taş duvar üzerinden tahta perde ile mezbûr Peyk Mehmed Ağa havâlesini def‘a ta‘ahhüd eyledikde merkūm İsmail dahi râzı olup bu vechile kat‘-ı nizâ‘ eylediklerini mezbûr dâ‘îleri mahâllinde tahrîr ve gelip inhâ eylediği bi’l-iltimâs huzûr-ı âlîlerine i‘lâm olundu. Fi 19 M sene [1]180.